शुक्रबार सुनको भाउ घट्यो

शुक्रबार सुनको भाउ ३ सय रुपैयाँ घटेको छ । हिजो १ लाख १२ हजार ८ सय रुपैयाँ तोकिएको सुनको भाउ आज १ लाख १२ हजार ५ सय रुपैयाँ तोकिएको छ ।

नेपाल सुनचाँदी व्यवसायी महासंघका अनुसार आज तेजाबी सुनको भाउ प्रतितोला एक लाख ११ हजार ९५० रुपैयाँमा कारोबार भइरहेको छ । हिजो तेजावी सुनको भाउ एक लाख १२ हजार २५० रुपैयाँमा कारोबार भएको थियो । यस्तै आज चाँदी प्रतितोला १ हजार ४७० रुपैयाँमा कारोबार भइरहेको छ ।

हिजो चाँदी प्रतितोला १ हजार ४८० रुपैयाँमा किनबेच भएको थियो । आज चाँदी १० रुपैयाँले घटेको हो । महासंघले अन्तर्राष्ट्रिय बजारको सुनचाँदी कारोबार मूल्यका आधारमा स्थानीय बजारमा सुन–चाँदीको मूल्य तोक्ने गरेको छ । अन्तर्राष्ट्रिय बजारमा आज सुन प्रतिऔँस १ हजार ९३९ दशमलव ९६ डलरमा कारोबार भइरहेको छ भने चाँदी प्रतिऔँस २४ दशमलव ४५ डलरमा कारोबार भइरहेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।