सुन-चाँदीको भाउमा सामान्य वृद्धि

स्थानिय बजारमा आज सुनको भाउमा सामान्य वृद्धि भएको छ । साताको अन्तिम कारोबार दिन शुक्रबार प्रतितोला १ लाख १२ हजार १ सय रुपैयाँमा कारोबार भएको छापावाला सुन आज प्रतितोला १ लाख १२ हजार २ सय रुपैयाँमा कारोबार भइरहेको छ । सुनको भाउ आज प्रतितोला १ सय रुपैयाँ बढेको हो ।

यता आज तेजाबी सुनको भाउ प्रतितोला एक लाख ११ हजार ६५० रुपैयाँ तोकिएको नेपाल सुनचाँदी व्यवसायी महासंघले जनाएको छ । शुक्रबार तेजावी सुन एक लाख ११ हजार ५५० रुपैयाँमा कारोबार भएको महासंघले जनाएको छ ।

यस्तै आज चाँदी प्रतितोला १ हजार ४३० रुपैयाँमा कारोबार भइरहेको छ । शुक्रबार चाँदी प्रतितोला १ हजार ४२५ रुपैयाँमा किनबेच भएको थियो । महासंघले अन्तर्राष्ट्रिय बजारको सुनचाँदी कारोबार मूल्यका आधारमा स्थानीय बजारमा सुन–चाँदीको मूल्य तोक्ने गरेको छ । अन्तर्राष्ट्रिय बजारमा आज सुन प्रतिऔँस १ हजार ९२५ दशमलव ४२ डलरमा कारोबार भइरहेको छ भने चाँदी प्रतिऔँस २३ दशमलव ५५ डलरमा कारोबार भइरहेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।