सुनको भाउ सोमबार यस वर्ष कै कम मूल्य कायम

सोमबार सुनको भाउ यस वर्ष कै कम मूल्यमा कारोबार भइरहेको छ । नेपाली सुन-चाँदी व्यवसायी महासंघका अनुसार आज छापावाला सुन प्रतितोला १ लाख ७ हजार ९ सय रुपैयाँ तोकिएको छ । यो यस वर्षकै कम मूल्य हो ।

यसअघि छापावाला सुनको भाउ जेठ १४ गते एक लाख ८ हजार १ सय रुपैयाँमा काराबोर भएको थियो ।  आइतबार छापावाला सुनको भाउ प्रतितोला ८ हजार रुपैयाँ तोकिएको थियो । हिजोको तुलनामा आज सुनको भाउ १ सय रुपैयाँले घटेको हो । छापावाला सुनको भाउले साउन ४ गते प्रतितोला १ लाख १३ हजार ६ सय रुपैयाँ पुगेर रेकर्ड बनाएको थियो ।

यस्तै आज तेजाबी सुनको भाउ प्रतितोला १ लाख ७ हजार ४०० रुपैयाँ तोकिएको नेपाल सुनचाँदी व्यवसायी महासंघले जनाएको छ । हिजो तेजाबी सुन १ लाख ७ हजार ४५० रुपैयाँ तोकिएको थियो । तेजावी सुनको भाउ आज प्रतितोला ५० रुपैयाँले घटेको हो।

आज चाँदी प्रतितोला १ हजार ३४० रुपैयाँमा कारोबार भइरहेको छ । हिजोको तुलनामा चाँदीको भाउ आज चाँदी ३० रुपैयाँ घटेको हो । हिजो चाँदी प्रतितोला १ हजार ३७० रुपैयाँमा कारोबार भएको थियो । अन्तर्राष्ट्रिय बजारमा आज सुन प्रतिऔँस १ हजार ८४४ दशमलव ०३ डलरमा कारोबार भइरहेको छ भने चाँदी प्रतिऔँस २१ दशमलव ८३ डलरमा कारोबार भइरहेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।