नेपाली गोलभेँडाको तुलनामा भारतीयको मूल्य दोब्बरले बढ्यो

एक साताको अवधिमा नेपाली ठूलो गोलभेँडाको भाउ प्रतिकिलो १० रुपैयाँ बढ्दा भारतीय ठूलो गोलभेँडाको भाउ नेपाली गोलभेँडाको तुलनामा दोब्बरले बढेको छ ।

आज मंगलबार नेपाली गोलभेँडाको अधिकतम मूल्य ७० रुपैयाँ छ भने न्यूनतम मूल्य ६० रुपैयाँ तोकिएको छ । एक साता अघि नेपाली ठूलो गोलभेँडाको अधिकतम प्रतिकेजी मूल्य ६० रुपैयाँ र न्यूनतम ५० रुपैयाँ तोकिएको थियो ।

मंगलबार कालिमाटीमा भारतीय ठूलो गोलभेँडाको मूल्य सातामा प्रतिकिलो २५ रुपैयाँले बढेको छ । कालिमाटी फलफूल तथा तरकारी बजार समितीका अनुसार मंगलबार ठूलो गोलभेँडाको अधिकतम मूल्य प्रतिकिलो ८० रुपैयाँ तोकिएको छ भने न्यूनतम मूल्य ७० रुपैयाँ तेकिएको छ ।

माघ ९ गते कालिमाटीमा भारतीय ठूलो गोलभेँडाको अधिकतम मूल्य ५० रुपैयाँ थियो भने न्यूनतम मूल्य प्रतिकेजी ६० रुपैयाँ रहेको थियो ।

यस्तै आज लोकल सानो गोलभेँडा ३० देखि ३५ रुपैयाँ तोकिएको छ भने भारतीय सानो गोलभेँडा र तराईको सानो गोलभेँडा ३५ देखि ४५ रुपैयाँमा कारोबार भइरहेको समितिले जनाएको छ ।

मंगलबार कुन तरकारीको भाउ कति ?

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।