स्वरोजगार लघुवित्तले घटाएर प्रस्ताव गर्यो लाभांश

स्वरोजगार लघुवित्त वित्तीय संस्था लिमिटेडले घटाएर लाभांश वितरणको प्रस्ताव गरेको छ । अघिल्लो आर्थिक वर्षको तुलनामा गत आर्थिक वर्ष २०७९–८० को मुनाफाबाट सेयरधनीहरुलाई वितरण गर्ने लाभांश १५.७९ प्रतिशत बिन्दुले घटेको हो ।

स्वरोजगारको माघ १५ गते सोमबार बसेको सञ्चालक समितिको बैठकले चुक्ता पुँजीको ७ प्रतिशत बोनस सेयर र सोको कर प्रयोजनका लागि ०.३६८४ प्रतिशत नगद लाभांश वितरण गर्ने घोषणा गरेको छ । लघुवित्तलको यो लाभांश हालसम्मकै कम हो । 

अघिल्लो आव २०७८–७९ बाट कम्पनीले चुक्ता पुँजीको २२ प्रतिशत बोनस सेयर र सोको कर प्रयोजनका लागि १.१५७९ प्रतिशत नगद लाभांश वितरण गरेको थियो ।

प्रस्तावित लाभांश नेपाल राष्ट्र बैंकबाट स्वीकृत भइ लघुवित्तको आगामी वार्षिक साधारण सभाले पारित गरेपछि मात्र सेयरधनीले पाउनेछन् ।

यस्तो छ लघुवित्तको लाभांश इतिहासः–

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।