शंकर ग्रुपको जगदम्बा अटोमोबाइल्स भारतीय कम्पनी बोल्टको आधिकारिक बिक्रेता नियुक्त

व्यापारिक घराना शंकर ग्रुपको लगानी रहेको जगदम्बा अटोमोबाइल्स भारतीय कम्पनी– बोल्ट अडियोको नेपालका लागि आधिकारिक बिक्रेतामा नियुक्त भएको छ।

बोल्ट अडियो र जगदम्बा अटोमोबाइल्सले मंगलबार सम्झौता पत्रमा हस्ताक्षर गरेसँगै बोल्टले उत्पादन गर्ने विभिन्न एसेसोरिज नेपाली बजारमा उपलब्ध हुनेछन् ।

बोल्ट अडियो सन् २०१७ मा स्थापना भएको कम्पनी हो । वरुण गुप्ता र तरुण गुप्ताले स्थापना गरेको कम्पनीले हेडफोन, स्पिकर, स्मार्टवाच र वायरलेस, ब्लुटुथ, इन–इयर, र इयरफोनहरू लगायत अन्य अडियो र वेरेबल उत्पादनहरु डिजाइन र निर्माण गर्दै आएको छ ।

जगदम्बा मोबाइल्सले ग्राहकको माग र आवश्यकता बमोजिमका बोल्ट स्मार्टवाच र ट्रु वायरलेस स्टेरियो (टीडब्लुएस) इयरबडहरू नेपालमा चाँडै उपलब्ध गराउने प्रतिबद्धता जनाएको छ ।

पछिल्लो समय अडियो एसेसरिजहरुको माग तीब्र गतिमा बिक्री भइरहेको छ । बोल्टले भारतमा आक्रमक व्यावसाय विस्तार गरेसँगै अन्तर्राष्ट्रिय बजारमा पनि उपस्थिति जनाइरहेको छ । नेपाल पनि कम्पनीको प्रमुख बजार हुन सक्ने कम्पनीले विश्वास लिएको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।