नेशनल लाइफको चामत्कारिक सुधार, खुद नाफा साढे २५ करोड नाघ्यो

नेशनल लाइफ इन्स्योरेन्स कम्पनी लिमिटेडले चालु आर्थिक वर्ष २०८०–८१ को दोस्रो त्रैमाससम्ममा २५ करोड ५१ लाख ५५ हजार रुपैयाँ खुद नाफा आर्जन गरेको छ ।  गत आर्थिक वर्षको सोही अवधिमा २१ करोड ८२ लाख ४८ हजार रुपैयाँ नाफा कमाएको कम्पनीको नाफा समीक्षा अवधिमा १६.९१ प्रतिशतले बढेको हो । देश आर्थिक संकटमा रहेको समयमा नै नेशनल लाइफले व्यवसाय र मुनाफा दुवै वृद्धि गरेको हो ।

चुक्ता पुँजी ५ अर्ब १ करोड १६ लाख ६६ हजार रहेको इन्स्योरेन्सको नाफा बढेसँगै प्रति सेयर आम्दानी पनि १ रुपैयाँ ४७ पैसाले बढेर १० रुपैयाँ १८ पैसा कायम भएको छ । इन्स्योरेन्सको प्रति सेयर नेटवर्थ १३२ रुपैयाँ २१ पैसा, प्रति सेयर कूल सम्पत्तिको मूल्य १६१०५ रुपैयाँ १५ पैसा र मूल्य आम्दानी अनुपात ५९.२२ गुणा छ ।

प्रकाशित अपरिष्कृत वित्तीय विवरण अनुसार कम्पनीको खुद नाफासँगै बीमाशुल्क आर्जन, रिटेर्न अर्निङ्गस्, लगानीबाट प्राप्त आय, प्रतिसेयर आम्दानी लगायतका सबै सूचाङ्क बढेको हो । यसरी कम्पनीले खराब आर्थिक अवस्थाका बाबजुत उत्कृष्ट नतिजा दिन कम्पनी सफल भएको हो ।
चुक्ता पुँजी ५ अर्ब १ करोड १६ लाख ६६ हजार रुपैयाँ रहेको नेशनल लाइफ इन्स्योरेन्सको सेयर प्रिमियममा २ करोड ७८ लाख ४८ हजार रुपैयाँ र महाविपत्ती कोषमा ४९ करोड ६३ लाख ९७ हजार रुपैयाँ सञ्चित छ । त्यसैगरी, इन्स्योरेन्सको रिटेन्ड अर्निङ्ग गत पुसको तुलनामा ६०.२८ प्रतिशत वृद्धि हुँदै ६० करोड १८ लाख ७८ हजार रुपैयाँ पुगेको छ भने अन्य इक्विटी ४८ करोड ८३ लाख ५० हजार रुपैयाँ बराबर रहेको छ ।

विवरण अनुसार इन्स्योरेन्सले चालु आर्थिक वर्षको पहिलो ६ महिनासम्ममा खुद बीमाशुल्क आर्जन ११.३२ प्रतिशत बढेर ८ अर्ब ३८ करोड ७३ लाख ६९ हजार रुपैयाँ पुगेको छ । यस्तै समीक्षा अवधिमा इन्स्योरेन्सको खुद दाबी भुक्तानी १२.३३ प्रतिशत बढेर ९ अर्ब ४४ करोड ८९ हजार पुगेको छ । बीमा अभिकर्तालाई कमिशनबापत मात्रै कम्पनीले ७६ करोड ७४ लाख ३५ हजार रुपैयाँ गरेको छ । जुन ३.७९ प्रतिशतको वृद्धि हो । अघिल्लो आवको ६ महीनामा यस्तो रकम ७३ करोड ९३ लाख ७६ हजार रुपैयाँ रहेको थियो । यस्तै कर्मचारी सुविधा २३ करोड ६१ लाख ८० हजार र अन्य सञ्चालन खर्च ३८ करोड ४३ लाख ६८ हजार रुपैयाँ पुगेको छ । गत पुसभन्दा कर्मचारी सुविधा खर्च ४५.९९ र अन्य सञ्चालन खर्च ६.६९ प्रतिशतले बढेको हो ।

पुससम्ममा कम्पनीको टोटल इन्फोर्समेन्ट पोलेसी १५ लाख ९२ हजार ७७६ ओटा रहेको छ । कम्पनीमा बीमालेख त्याग (सरेन्डर) रकम भने अघिल्लो पुसभन्दा १८.४० प्रतिशतले बढेर १८ करोड ५ लाख ३० हजार पुगेको छ । यसमा कम्पनीले न्यूनिकरणतर्फ ध्यान दिनुपर्ने देखिन्छ ।
त्यसैगरी इन्स्योरेन्सको कुल आम्दानी १२.२२ प्रतिशत बढेर ११ अर्ब ५८ करोड ९९ लाख पुगेको छ । कुल खर्च पनि ११.७९ प्रतिशत बढेर १० अर्ब ९० करोड ७० लाख ४७ हजार रुपैयाँ पुगेको छ । कम्पनीको लगानी ८ प्रतिशतले बढेर ६३ अर्ब ४५ करोड ४७ लाख ९९ हजार कायम भएको छ । यस्तै लगानी कर्जा तथा अन्यबाट ४३ करोड ५४ लाख ८ हजार रुपैयाँ कमाएको छ । यो गत पुसभन्दा ७२.४१% बढी हो ।

नेशनल लाइफको जीवन बीमा कोषको आकार ८.६० प्रतिशतले वृद्धि हुँदै ७१ अर्ब ४४ करोड २५ लाख ८१ हजार रुपैयाँ पुगेको छ । गत आवको यसै अवधिमा सञ्चित थियो ।  चालु आवको अर्ध बार्षिक समीक्षासम्म आईपुग्दा नेशनल लाइफको कुल ८ अर्ब ५६ करोड ७८ लाख ९९ हजार रुपैयाँ कुल बीमाशुल्क संकलन गरेको छ । गत आवको पुससम्ममा ७ अर्ब ६८ करोड ७१ लाख ९२ हजार रहेकोमा समीक्षा अवधिमा बीमा व्यवसाय ११.४६ प्रतिशतले वृद्धि भएको हो ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।