सुनको भाउ एकैदिन प्रतितोला १२ सय घट्यो, बुधबार तोलाको कति ?

स्थानिय बजारमा सुनको भाउ एकैदिन प्रतितोला १२ सय रुपैयाँले घटेको छ । मंगलबार प्रतितोला ३०० रुपैयाँले घटेको सुनको भाउ बुधबार १२ सय रुपैयाँले घटेको हो ।

बुधबार प्रतितोला सुनको भाउ १ लाख १६ हजार ५०० रुपैयाँमा कारोबार भइरहेको छ । मंगलबार प्रतितोला सुनको भाउ १ लाख १७ हजार ७०० रुपैयाँमा कारोबार भएको थियो ।

नेपाल सुन चाँदी व्यवसायी महासंघका अनुसार बुधबार तेजावी सुन १ लाख १५ हजार ९५० रुपैयाँमा कारोबार भइरहेको छ । मंगलबार तेजावी सुन १ लाख १७ हजार १५० रुपैयाँमा कारोबार भएको थियो ।

यस्तै, बुधबार चाँदीको भाउ प्रतितोला ३० रुपैयाँले घटेको छ । बुधबार चाँदीको मूल्य प्रतितोला १ हजार ३६५ रुपैयाँ तोकिएको छ । मंगलबार चाँदीको मूल्य प्रतितोला १ हजार ३९५ रुपैयाँ तोकिएको थियो ।

अन्तराष्ट्रिय बजारमा आज सुन प्रतिऔंस सुन १ हजार ९९२ दशमलव ३८ डलरमा कारोबार भइरहेको छ भने प्रतिऔंस चाँदी २२ दशमलव ०४ डलरमा कारोबार भइरहेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।