निर्जीवन बीमा कम्पनीहरुको मुनाफा तीन अर्ब, नेपाल इन्स्योरेन्सले कमायो सर्वाधिक

सञ्चालनमा रहेका चौध निर्जीवन बीमा कम्पनीहरुले चालु आर्थिक वर्ष २०८०/८१ को अर्धवार्षिक अवधिमा ३ अर्ब ८५ लाख ९६ हजार रुपैयाँ खुद नाफा आर्जन गरेको छ । यो नाफा अपरिष्कृत वित्तीय विवरण अनुसारको हो ।

गत आवको दोस्रो त्रैमाससम्म १४ निर्जिवन कम्पनीहरुले २ अर्ब १० करोड ९० लाख ६१ हजार रुपैयाँ मुनाफा आर्जन गरेका थिए । समीक्षा अवधिमा निर्जीवन बीमा कम्पनीहरुको मुनाफा ४२.६५ प्रतिशतले वृद्धि भएको हो ।

पुस मसान्तसम्ममा अवधिमा ७ निर्जीवन बीमा कम्पनीहरुको खुद नाफा २० करोडभन्दा बढी छ । पाँच कम्पनीको खुद नाफा १० करोडभन्दा बढी र एक कम्पनीको दश करोडभन्दा कम छ । एक कम्पनी घाटामा छ ।

निर्जीवन बीमा कम्पनीहरुमध्ये चालु आवको पहिलो ६ महीना अवधिमा गत पुसको तुलनामा १३ ओटा कम्पनीले मुनाफा बढाएका छन् । समीक्षा अवधिमा नेशनल इन्स्योरेन्स घाटामा रहेको छ । पुस मसान्तमा नेपाल इन्स्योरेन्सको सबैभन्दा धेरै २३२.३४ प्रतिशतले नाफा बढेको छ । सिद्धार्थ प्रिमियर र दि ओरियन्टल इन्स्योरेन्सको पनि एक सय प्रतिशतभन्दा बढीले बढेको छ । राष्ट्रिय बीमा कम्पनीको सबैभन्दा कम १४.१८ प्रतिशतले बढेको छ ।

कुन कम्पनीले गते आर्जन गरे नाफा ?

पुससम्मको अपरिष्कृत वित्तीय विवरणका अनुसार सबैभन्दा धेरै खुद नाफा वृद्धि गरेको नेपाल इन्स्योरेन्स कम्पनीले ४९ करोड ७७ लाख ९७ हजार रुपैयाँ नाफा कमाएको छ । गत आवको पुसमा कम्पनीले १४ करोड ९७ लाख ८७ हजार नाफा कमाएको थियो । समीक्षा अवधिमा नेपाल इन्स्योरेन्सको सबैभन्दा धेरै २३२.३४ प्रतिशतले नाफा बढेको छ । 

यस्तै पुससम्ममा राष्ट्रिय बीमा कम्पनीले ४२ करोड ७२ लाख ५८ हजार रुपैयाँ खुद नाफा कमाएको छ । यो अघिल्लो आवको यसै अवधिको तुलनामा १४.१८% बढी हो । गत आवको पुस मसान्तसम्ममा कम्पनीले ३७ करोड ४१ लाख ८९ हजार रुपैयाँ खुद नाफा कमाएको थियो ।  यसैगरी सिद्धार्थ प्रिमियर इन्स्योरेन्सले ११७.३४% वृद्धि गर्दै ३६ करोड ९ लाख ७६ हजार रुपैयाँ खुद नाफा सहित तेस्रो स्थानमा छ । प्रकाशित वित्तीय विवरण अनुसार दि ओरियन्टल इन्स्योरेन्सको खुद नाफा १००.७२% बढेर २५ करोड ८३ लाख १७ हजार रुपैयाँ रहेको छ । गत आवको यसै अवधिमा कम्पनीले १२ करोड ८६ लाख ९५ हजार रुपैयाँ मुनाफा आर्जन गरेको थियो ।

शिखर इन्स्योरेन्सको खुद नाफा समीक्षा अवधिमा १९.१७% बढेर २५ करोड ११ लाख १२ हजार रुपैयाँ रहेको छ । शिखर चालु आवको अर्धवार्षिक अवधिमा खुद नाफाका आधारमा पाँचौं स्थानमा रहेको छ । गत आवको पुससम्म कम्पनीले २१ करोड ७ लाख १० हजार खुद नाफा कमाएको थियो । यसैगरी नेको इन्स्योरेन्सको मुनाफा २२ करोड १२ लाख ६७ हजार छ । गत आर्थिक वर्षमा १९ करोड २० लाख २५ हजार रहेकोमा समीक्षा अवधिमा १५.२३ प्रतिशत बढेको हो । यस्तै पुस मसान्तसम्मा सगरमाथा लुम्बिनी इन्स्योरेन्सको खुद नाफा पनि २० करोड ८ लाख ४३ हजार रुपैयाँ रहेको छ । जुन १५.९७% को वृद्धि हो ।

प्रकाशित विवरणअनुसार चालु आवाको दोस्रो त्रैमासम्म हिमालयन एभरेष्ट इन्स्योरेन्सले ६३.७३% ले वृद्धि गर्दै १८ करोड ४३ लाख ४९ हजार रुपैयाँ खुद नाफा कमाएको छ । गत आवको यसै अवधिमा इन्स्योरेन्सले ११ करोड २५ लाख ९५ हजार रुपैयाँ खुद नाफा कमाएको छ । आईजीआई प्रुडेन्सियल इन्स्योरेन्सले पुस मसान्तसम्ममा १८ करोड ३७ लाख ९८ हजार रुपैयाँ खुद नाफा कमाएको छ । कम्पनीले गत आवको यसै अवधिमा १२ करोड १६ लाख ५३ हजार रुपैयाँ खुद नाफा कमाएकोमा ५१.०८% बढेको हो ।

पुस मसान्तसम्ममा यूनाइटेड अजोड इन्स्योरेन्सले १३ करोड १८ लाख ८७ हजार रुपैयाँ खुद नाफा कमाएको छ । जुन ४८% बढी हो । गत आवको पुसमा यूनाइटेडको नाफा ८ करोड ९१ लाख १५ हजार रुपैयाँ खुद नाफा कमाएको छ । विसं २०७९ पुस मसान्तसम्म ७ करोड ७७ लाख २५ हजार रुपैयाँ खुद नाफा कमाएको प्रभु इन्स्योरेन्सले चालु आवको सोही अवधिमा ३९.७४% बढेर १० करोड ८६ लाख १२ हजार रुपैयाँ पुगेको छ । सानिमा जीआईसी इन्स्योरेन्सले पुससम्म खुद नाफा २०.९४% ले बढेर १० करोड ५५ लाख ९१ हजार रुपैयाँ पुगेको छ । गत आवको यसै अवधिमा कम्पनीले ८ करोड ७३ लाख ७ हजार रुपैयाँ खुद नाफा कमाएको थियो ।

पुससम्ममा एनएलजी इन्स्योरेन्सले सबैभन्दा कम ८ करोड ७५ लाख ४४ हजार रुपैयाँ खुद नाफा कमाएको छ । गत आवको यसै अवधिमा एनएजीको खुद नाफा ५३.९६% ले बढेको हो । सो अवधिमा कम्पनीको खुद नाफा ५ करोड ६८ लाख ६३ हजार रहेको थियो ।

पुससम्म नेशनल इन्स्योरेन्स कम्पनी भने १ करोड ७ लाख ५५ हजार रुपैयाँ घाटामा छ । गत आवको यसै अवधिमा कम्पनी १६ करोड ९१ लाख २१ हजार मुनाफामा थियो ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।