सुनको भाउमा वृद्धि, बिहीबार कतिमा हुँदैछ कारोबार ?

सुनको भाउमा सामान्य वृद्धि भएको छ । बुधबार १०० रुपैयाँले घटेको सुनको भाउ बिहीबार २०० रुपैयाँले बढेको हो ।

बिहीबार छापावाला सुनको भाउ प्रतितोला १ लाख १८ हजार ४०० रुपैयाँ तोकिएको छ । बुधबार छापावाला सुनको भाउ प्रतितोला १ लाख १८ हजार २०० रुपैयाँमा कारोबार भएको थियो ।

नेपाल सुन चाँदी व्यवसायी महासंघका अनुसार बिहीबार तेजावी सुन १ लाख १७ हजार ८५० रुपैयाँमा कारोबार भइरहेको छ । बुधबार तेजावी सुन १ लाख १७ हजार ६५० रुपैयाँमा कारोबार भएको थियो ।

यस्तै, बुधबार १ हजार ३७५ रुपैयाँमा कारोबार भएको चाँदी बिहीबार पनि सोही मूल्यमा कारोबार भइरहेको छ ।

अन्तराष्ट्रिय बजारमा आज सुन प्रतिऔंस सुन २ हजार ३६ दशमलव ३७ डलरमा कारोबार भइरहेको छ भने प्रतिऔंस चाँदी २२ दशमलव ५२ डलरमा कारोबार भइरहेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।