पाँच सय १२ जिबीको होनर एक्स एट बी अब मात्र २९ हजार ९९९ मा पाइने

होनरले पाँच सय १२ जिबीको होनर एक्स एट बी मात्र २९ हजार ९९९ मा उपलब्ध गराएको छ । नेपालका लागि होनरको आधिकारिक वितरक सेलटोन नेपालले एक्स एट बीको आधिकारिक लन्च भएको जानकारी गराएको छ । फेब्रुअरी २८ मा प्रि बुकिङ सकिएसँगै यो अब नेपालभर खरिदका लागि उपलब्ध भएको हो ।

होनरले बार्सिलोनामा आयोजित एमडब्लूसीमा आफ्नो नयाँ टेक्नोलोजी होनर म्याजिक सिक्स सिरिज, होनर म्याजिक भी टु सिरिज र होनर म्याजिक बुक प्रो १६ लन्च गर्दै इन्नोवेसनको नया आयाममा प्रवेश गरेको छ ।

होनर एक्स एट बीमा मा अत्याधुनिक ६.७ इन्चको आँखा कम्फर्ट ब्राइट एमोलेड डिस्प्ले रहेको छ जसले १२०० निट्सको एचबीएम ब्राइटनेस र २००० निट्सको पीक ब्राइटनेस, उत्कृष्ट दृश्य अनुभव प्रदान गर्दछ।

होनर एक्स एट बीमा १०८ एम पी मेन क्यामेरा, वाइड र डेप्थ क्यामेरा र २ एमपी म्याक्रो क्यामेरा समावेश भएको ट्रिपल क्यामेरा प्रणाली रहेको छ, जसले प्रयोगकर्ताहरूलाई उल्लेखनीय विवरणका साथ तस्बिरहरू खिच्न अनुमति दिने कम्पनीले जनाएको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।