कालो अंगुरको भाउ पाँच दिनदेखि स्थिर, हरियो अंगुरको मूल्य घट्यो

कालिमाटी तरकारी तथा फलफूल बजारमा कालो अंगुरको मूल्य पाँच दिनदेखि स्थिर रहेको छ । गत फागुन २४ गते प्रतिकेजी ओसत मूल्य २१० रुपैयाँ तोकिएको कालो अंगुर आज पनि सोही भाउमा कायम गरिएको छ ।

आज कालो अंगुरको न्यूनतम मूल्य २०० रुपैयाँ तोकिएको छ भने अधिकतम मूल्य २२० रुपैयाँ तोकिएको छ ।  आज हरियो अंगुरको मूल्य भने प्रतिकेजी ५ रुपैयाँ घटेको छ । आइतबार प्रतिकेजी औसत मूल्य १३० रुपैयाँ रहेको अंगुर आज १२५ रुपैयाँमा कारोबार भइरहेको छ । आज हरियो अंगुरको न्यूनतम मूल्य १२० रुपैयाँ तोकिएको छ भने अधिकतम मूल्य १३० रुपैयाँ तोकिएको छ ।

यस्तै, आज मौसमको न्यूनतम मूल्य २०० रुपैयाँ छ भने अधिकतम मूल्य २२० रुपैयाँ तोकिएको छ । यसैगरी, जुनार २२० देखि २५० रुपैयाँ, भुई कटहर १५० देखि १८० रुपैयाँ, मौसम १४० देखि १५० रुपैयाँ, अनार २८० देखि ३०० रुपैयाँसम्म कारोबार भइरहेको छ ।

समितिका अनुसार आज सोमबार ठुलो नेपाली गोलभेडा प्रतिकेजी औसतमा ५५ रुपैयाँ, ठुलो भारतीय गोलभेडा ७५ रुपैयाँ, लोकल सानो गोलभेडा २२ रुपैयाँ ५० पैसा, रातो आलु ३३ रुपैयाँ २० पैसा, सेतो आलु २९ रुपैयाँसम्म कारोबार भइरहेको छ ।

यस्तै आज सुकेको प्याज ७५ रुपैयाँ, लोकल बन्दा २९ रुपैयाँ २५ पैसा, लोकल गाजर ३२ रुपैयाँ ५० पैसा, नरिवल बन्दा २५ रुपैयाँ, स्थानीय काउली ३५ रुपैयाँ, ज्यापु काउली ४५ रुपैयाँ, मटरकोशा ७५ रुपैयाँ तोकिएको छ ।

सोमबार कुन तरकारीको भाउ कति ?

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।