फागुनमा ११ अर्ब ६५ करोडको जीवन बीमा व्यवसाय, नयाँ व्यवसायको हिस्सा २२ प्रतिशत

जीवन बीमा कम्पनीहरुले फागुन महीनामा ११ अर्ब ६५ करोड ८ लाख २७ हजार रुपैयाँ बराबरको जीवन बीमा व्यवसाय गरेका छन् । जसमध्ये नयाँ व्यवसायको हिस्सा २१.९३ प्रतिशत बराबर रहेको छ ।

नेपाल बीमा प्राधिकरणका अनुसार फागुन महीनामा संकलन भएको कुल बीमशुल्कमा नयाँ व्यवसाय वापत अर्थात २ अर्ब ५५ करोड ५४ लाख ८९ हजार रुपैयाँ प्रथम बीमाशुल्क संकलन भएको छ । फागुनमा यसअघि नै बिक्री भैसकेको बीमालेखबाट ९ अर्ब ९ करोड ५३ लाख ३८ हजार रुपैयाँ (७८.०७%) संकलन भएको हो ।

प्राधिकरणको तथ्याङ्क अनुसार २०७९ फागुनमा जीवन बीमा कम्पनीहरुले कुल १० अर्ब ३३ कराेड ३८ लाख २७ हजार रुपैयाँ संकलन गरेका थिए । जसमध्ये प्रथम बीमाशुलक वापत २ अर्ब ६ करोड ७३ लाख ३ हजार रुपैयाँ र नवीकरण बीमाशुल्क वापत ८ अर्ब २६ करोड ६५ लाख २५ हजार रुपैयाँ थियो । विसं २०७९ फागुनको तुलनामा समग्रमा १२.७४ प्रतिशतले बढ्दा प्रथम बीमाशुल्क २३.६१  % र नवीकरण बीमाशुल्क १०.०३ % ले वृद्धि भएको हो ।

गत माघ महीनामा भने २ अर्ब २९ करोड ३८ लाख ४७ हजार रुपैयाँ प्रथम बीमाशुल्क र १० अर्ब ३६ करोड ६३ लाख ८२ हजार रुपैयाँ नवीकरण गरी कुल १२ अर्ब ६६ करोड २ लाख २९ हजार रुपैयाँ बीमाशुल्क संकलन गरेका थिए । माघको तुलनामा फागुनमा संकलित बीमाशुल्क रकम ७.९७ प्रतिशत कम हो ।

नेपाल बीमा प्राधिकरणले प्रकाशन गरेको तथ्याङ्क अनुसार सञ्चालनमा रहेका १४ जीवन बीमा कम्पनीहरुमध्ये नेपाल लाइफ इन्स्योरेन्सले ३ अर्ब ९ करोड २६ लाख ४ हजार रुपैयाँ संकलन गरेको छ । फागुनमा कम्पनीले ५६ करोड ५३ लाख ३ हजार प्रथम बीमाशुल्क संकलन गर्दा २ अर्ब ५२ करोड ७३ लाख १ हजार रुपैयाँ नवीकरण बीमाशुल्क संकलन गरेको हो ।

यस्तै नेशनल लाइफ इन्स्योरेन्स कम्पनीले फागुन महीनामा ५० करोड २२ लाख ५४ हजार प्रथम बीमाशुल्क र १ अर्ब ६८ लाख ४८ हजार रुपैयाँ गरी कुल १ अर्ब ५० करोड ९१ लाख २ हजार रुपैयाँ बीमाशुल्क संकलन गरेको छ । तेस्रो स्थानमा रहेको लाइफ इन्स्योरेन्स कर्पोरेसन नेपालले (एलआइसी नेपाल) ले कुल १ अर्ब ४३ करोड १० लाख १६ हजार रुपैयाँ बीमाशुल्क संकलन गरेको छ । यस अवधिमा कम्पनीले १५ करोड ४५ लाख ७९ हजार प्रथम बीमाशुल्क र १ अर्ब २७ करोड ६४ लाख ३८ हजार रुपैयाँ संकलन गरेको हो । बीमाशुल्क संकलनका आधारमा फागुनमा हिमालयन लाइफ इन्स्योरेन्स चौथो स्थानमा छ । कम्पनीले फागुन महीनामा १९ करोड १४ लाख ९६ हजार रुपैयाँ प्रथम बीमाशुल्क र १ अर्ब ७ करोड ५२ लाख २७ हजार रुपैयाँ गरी कुल १ अर्ब २६ करोड ६७ लाख २२ हजार रुपैयाँ संकलन गरेको छ ।

यसैगरी बीमा प्राधिकरणले उपलबध गराएको तथ्याङ्क अनुसार फागुनमा एशियन लाइफले १५ करोड ३२ लाख ८ हजार रुपैयाँ प्रथम बीमा शुल्क र ५६ करोड ९५ लाख २४ हजार रुपैयाँ नवीकरण बीमा शुल्क गरी कुल ७२ करोड २७ लाख ३१ हजार रुपैयाँ संकलन गरेको छ । यसैगरी सूर्यज्योति लाइफ इन्स्योरेन्सले कुल ६७ करोड ५९ लाख ४८ हजार रुपैयाँ आर्जन गरेको छ । जसमध्ये १८ करोड ७६ लाख ९२ हजार रुपैयाँ प्रथम बीमा शुल्क र ४८ करोड ८२ लाख ५६ हजार रुपैयाँ नवीकरण बीमा शुल्क रहेको छ ।

यस्तै मेट लाइफले फागुनमा १० करोड १३ लाख ६३ हजार रुपैयाँ प्रथम बीमा शुल्क र ३८ करोड ९७ लाख ४७ हजार रुपैयाँ नवीकरण बीमा शुल्क गरी फागुनमा कुल ४९ करोड ११ लाख ९ हजार रुपैयाँ आर्जन गरेको छ । सिटिजन लाइफ इन्स्योरेन्सले १३ करोड ५६ लाख ८५ हजार रुपैयाँ प्रथम बीमा शुल्क र ३२ करोड ६४ लाख ४० हजार रुपैयाँ नवीकरण बीमा शुल्क गरी फागुन महीनामा कुल ४६ करोड २१ लाख २५ हजार रुपैयाँ आर्जन गरेको छ । साथै सानिमा रिलायन्स लाइफले १२ करोड ९६ लाख ३० हजार रुपैयाँ प्रथम बीमा शुल्क र २९ करोड १४ लाख ४३ हजार रुपैयाँ नवीकरण बीमा शुल्क गरी फागुनमा कुल ४२ करोड १० लाख ७३ हजार रुपैयाँ आर्जन गरेको छ ।

सन नेपाल लाइफले फागुनमा १० करोड ५० लाख ७० हजार रुपैयाँ प्रथम बीमा शुल्क र २४ करोड ४५ लाख ६५ हजार रुपैयाँ नवीकरण बीमा शुल्क गरी कुल ३४ करोड ९६ लाख ३५ हजार रुपैयाँ आर्जन गरेको छ । आइएमई लाइफ इन्स्योरेन्सले १० करोड ८३ लाख ३४ हजार रुपैयाँ प्रथम बीमा शुल्क र २१ करोड ६२ लाख ७८ हजार रुपैयाँ नवीकरण बीमा शुल्क गरी कुल ३२ करोड ४६ लाख १२ हजार रुपैयाँ आर्जन गरेको छ ।

प्रभु महालक्ष्मीले ७ करोड ४१ लाख ८८ हजार रुपैयाँ प्रथम बीमा शुल्क र २५ करोड ८९ लाख २७ हजार रुपैयाँ नवीकरण बीमा शुल्क गरी कुल ३२ करोड ३१ लाख १५ हजार रुपैयाँ प्रिमियम संकलन गरेको छ । यस्तै रिलायबल नेपाल लाइफले १० करोड ७९ लाख ४५ हजार रुपैयाँ प्रथम बीमा शुल्क र २४ करोड ४३ लाख १ हजार रुपैयाँ नवीकरण बीमा शुल्क गरी कुल ३२ करोड २२ लाख ४५ हजार रुपैयाँ आर्जन गरेको छ ।
फागुनमा संकलित बीमाशुल्क मध्ये राष्ट्रिय जीवन बीमा कम्पनी (साबिक बीमा संस्थान) ले सबैभन्दा कम संकलन गरेको छ । यस कम्पनीले फागुनमा ३ करोड ८७ लाख ४५ हजार रुपैयाँ प्रथम बीमाशुल्क र २१ करोड ४५ हजार रुपैयाँ नवीकरण बीमाशुल्क गरी कुल २४ करोड ८७ लाख ८९ हजार रुपैयाँ प्रिमियम संकलन गरेको हो ।

फागुनमा संकलित प्रथम बीमाशुल्कका आधारमा यस्तो छ क्रमगत विवरणः

फागुन जीवन बीमा कम्पनीहरुले २ अर्ब ५५ करोड ५४ लाख ८९ हजार प्रथम बीमा शुल्क संकलन गरेका छन् । जुन यसअनुसार रहेको छ ।

• नेपाल लाइफः ५६ करोड ५३ लाख ३ हजार रुपैयाँ
• नेशनल लाइफ इन्स्योरेन्सः ५० करोड २२ लाख ५४ हजार रुपैयाँ
• हिमालयन लाइफ इन्स्योरेन्सः १९ करोड १४ लाख ९६ हजार रुपैयाँ
• सूर्यज्योति लाइफ इन्स्योरेन्सः १८ करोड ७६ लाख ९२ हजार रुपैयाँ
• लाइफ इन्स्योरेन्स कर्पोरेसन नेपालः १५ करोड ४५ लाख ७९ हजार रुपैयाँ
• एशियन लाइफः १५ करोड ३२ लाख ८ हजार रुपैयाँ
• सिटिजन लाइफः १३ करोड ५६ लाख ८५ हजार रुपैयाँ
• सानिमा रिलायन्स लाइफः १२ करोड ९६ लाख ३० हजार रुपैयाँ
• आइएमई लाइफ इन्स्योरेन्सः १० करोड ८३ लाख ३४ हजार रुपैयाँ
• रिलायबल नेपाल लाइफः १० करोड ७९ लाख ४५ हजार रुपैयाँ
• सन नेपाल लाइफः १० करोड ५० लाख ७० हजार रुपैयाँ
• मेट लाइफः १० करोड १३ लाख ६३ हजार रुपैयाँ
• प्रभु महालक्ष्मी लाइफः ७ करोड ४१ लाख ८८ हजार रुपैयाँ
• राष्ट्रिय जीवन बीमा कम्पनीः ३ करोड ८७ लाख ४५ हजार रुपैयाँ

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।