निरन्तर बढ्दै तरकारीको मूल्य, तने बोडी दुई दिनमा प्रतिकेजी ४० रुपैयाँ बढ्यो

कालिमाटीमा अधिकाशं तरकारीको मूल्य बढ्दै गएको छ । मौसममा आएको परिवर्तनले उत्पादित तरकारीमा क्षती गरेसँगै आयातमा कमी आएकोले मूल्य वृद्धि भएको कालिमाटी बजार विकास समितिले जनाएको छ ।

कालिमाटीमा तने बोडीको मूल्य दुई दिनमा प्रतिकेजी ४० रुपैयाँ बढेको छ । चैत २८ गते प्रतिकेजी ५५ रुपैयाँ रहेको तने बोडी आज ९५ रुपैयाँमा कारोबार भइरहेको छ ।

यस्तै, टाटे सिमीको मूल्य प्रतिकेजी १० रुपैयाँ बढेको छ । चैत २८ गते प्रतिकेजी ७६ रुपैयाँ रहेको टाटे सिमी आज ८६ रुपैयाँमा कारोबार भइरहेको छ ।

यसैगरी, आज भन्टा डल्लो प्रतिकेजी ९ रुपैयाँ बढेको छ । दुई दिनअघि प्रतिकेजी २६ रुपैयाँ रहेको टाटे सिमी आज ३५ रुपैयाँमा कारोबार भइरहेको समितिले जनाएको छ ।

उता, ठूलो गोलभेँडा (भारतीय)र ठूलो गोलभेँडा (नेपाली) प्रतिकेजी ९ रुपैयाँ बढेको छ । आज ठूलो गोलभेँडा (भारतीय) र ठूलो गोलभेँडा (नेपाली)को प्रतिकेजी ७५ रुपैयाँ रहेको छ ।

यता, घिरौला ७ रुपैयाँ, डल्ले च्याउ ५५ रुपैयाँ, भेडे खूर्सानी ८ रुपैयाँ, हरियो लसुन १० रुपैयाँ, स्थानिय काउली ४ रुपैयाँ बढेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।