तिते करेलाको मूल्य एक सातामा दोब्बर मूल्यले घट्यो, आयात ४ गुणाले बढ्यो

तिते करेलाको मूल्य एक सातामा दोब्बर मूल्यले घटेको छ । बैशाख ३ गते प्रतिकेजी औसत मूल्य ११० रुपैयाँ रहेको तिते करेला अहिले ५५ रुपैयाँमा कारोबार भइरहेको छ ।

आज तिते करेलाको न्यूनतम मूल्य ५० रुपैयाँ रहेको छ भने अधिकतम मूल्य ६० रुपैयाँ तोकिएको छ । आयातमा वृद्धि भएसँगै भाउमा गिरावट आएको हो । एक साताको अवधिमा करेलाको आयात ४.६३ गुणाले बढेको छ ।

बैशाख २ गते ४ हजार ३९० केजी करेला आयात भएकोमा आइतबार २० हजार ३५० केजी करेला आयात भएको छ ।

यसैगरी ,कालिमाटी तरकारी तथा फलफूल बजारमा आज भिण्डीको न्यूनतम मूल्य ८० रुपैयाँ रहेको छ भने अधिकतम मूल्य ९० रुपैयाँ रहेको छ । कालिमाटीमा आज काउली स्थानियको न्यूनतम मूल्य ४० रुपैयाँ रहेको छ भने अधिकतम मूल्य ५० रुपैयाँ रहेको छ ।

यस्तै, आज आलु रातोको औसत मूल्य ४६ रुपैयाँ, सुकेको प्याज ६९ रुपैयाँ, काउली ज्यापुको ६५ रुपैयाँ र सेतो मूला (लोकल) ३८ रुपैयाँ रहेको छ ।

आज कुन तरकारीको भाउ कति ?

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।