सुदुरपश्चिम प्रदेशमा रोजगारीका लागि चार हजारबढीको आवेदन

सुदुरपश्चिम प्रदेशको धनगढीमा आइतबारदेखि सुरु भएको श्रमाधान रोजगार मेला आज सम्पन्न भएको छ । श्रम रोजगार तथा सामाजिक सुरक्षा मन्त्रालयद्धारा आयोजित रोजगार मेलामा ११ सय ३३ जना रोजगारीका लागि छनोट भएका छन् ।

मेलामा ४ हजार एकसय ६६ जनाले रोजगारीको लागि आवेदन दिएका छन् । मेलामा १० हजार बढीले अवलोकन गरेको आयोजकले जानकारी दिएको छ ।

दुईदिने मेलामा रोजगार खोज्ने यूवाको बाक्लो भीड लागेको थियो। समापन कार्यक्रममा बोल्दै धनगढी उप महानगरपालिकाकी उप प्रमुख नन्दकला रानाले अहिले नेपालमा रोजगारीको ठुलो समस्या रहेकाले मेलाले त्यसको समाधान गर्ने अपेक्षा रहेको धारणा राखिन् ।युवाहरु बिदेसिने क्रम बढ्दै गएकाले स्वदेशमै रोजगारीका अवसर जुटाउन आवश्यक रहेको उनको भनाई छ ।

श्रम रोजगार तथा सामाजिक सुरक्षा मन्त्रालयका उपसचिव बसन्त बहादुर बोहराले रोजगार दाता र रोजगार खोज्नेहरुलाई एकै थलोमा भेला गराउने उदेश्यले श्रमाधान रोजगार मेला आयोजना गरेको बताए । ‘हाम्रो श्रम बजारमा रोजगारी कहा छ कसरी खोज्ने त्यो सबैलाई थाहा छैन्’ उनले भने आन्तरीक रोजगार तथा वैदेशिक रोजगारी सम्बन्धी सबै जानकारी एउटै थलोमा पाउनुले अझै मेला प्रभावकारी भएको बताए । सुदुरपश्चिम प्रदेश श्रम कार्यलयका प्रमुख जनक उखेडाले रोजगार मेलाले यहाको युवाहरुको रोजगार सम्बन्धी केही समस्या समाधान हुने अपेक्षा गरिएको बताए ।

समापन कार्यक्रममा मेला अवधीमा जानकारी मुलुक स्टल राख्ने रोजदारदाता ,सहजकर्ता सहआयोजक संघ संस्थालाई सम्मानपत्र तथा धन्यवन ज्ञापन गरिएको थियो ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।