ग्लोबल पब्लिक स्कुलद्वारा एसईईमा उत्कृष्ट नतिजा ल्याउने विद्यार्थी, अभिभावक तथा शिक्षक सम्मानित

काठमाडौं महानगरपालिका वडा नं ३२ मा रहेको ग्लोबल पब्लिक स्कुलबाट माध्यमिक शिक्षा परीक्षा (एसईई) परिक्षामा उत्कृष्ट नम्बर ल्याएर उत्तीर्ण गर्ने विद्यार्थी, अभिभावक तथा शिक्षक सम्मानित भएका छन ।

सोमबार काठमाडौंमा एक कार्यक्रम आयोजना गर्दै माध्यमिक शिक्षा परीक्षा (एसईई)मा सहभागी भएका विद्यार्थीलाई विद्यालय व्यवस्थापनले सम्मान गरेको हो । स्कुलले एसईईमा ४ जीपीए ल्याउने ६ जना विद्यार्थीसहित सम्पूर्ण उत्कृष्ट नतिजा ल्याउने विद्यार्थी र उनीहरुका अभिभावक एवम शिक्षकहरुलाई सम्मान गरेको हो।

२०८० सालकोे एसईई परिक्षामा देशैभरीबाट १८६ जनाले मात्र ४ जीपीए ल्याएर पास भएकोमा ग्लोबल पब्लिक स्कुलबाट ६ जनाले जीपीए ४ ल्याउन सफल भएका थिए । यस वर्षको एसईईमा ग्लोबल पब्लिक स्कुलबाट ५६ जनाले सहभागी भएकोमा सबैजना उत्तिर्ण भएको विद्यालयका प्रधानअध्यापक कार्कीले बताए । त्यस्तै, ३.६ देखि ४ जीपीए ४० जना, ३.२ देखि ३.६ जीपीए १४ र ३ देखि ३.२ अंक ल्याएर २ जना पास भएका छन् । उनका अनुसार ६ जनाले ४ जीपीए ल्याएर पास गर्न सफल भएका छन् ।

ग्लोबल पब्लिक स्कुलबाट श्रेय भुजु, कृतिज्ञा शिल्पकार, स्वीकृति प्याकुरेल, सुभम भट्टराई, साजन पराजुली र सृजन खण्डकाले यसवर्ष एसईईमा ४ जीपीए ल्याएका थिए ।

समग्रमा यस बर्षको एसईईको नतिजा सन्तोषजनक नरहेपनि उक्त विद्यालयले एसईईमा अहिलेसम्मकै उत्कृष्ट नतिजा ल्याएको हो । उत्कृष्ट नतिजा आउनुमा विद्यार्थीको लगनशीलतालाई पहिलोे श्रेय जाने प्रधानाध्यापक मात्रिका कार्कीले बताए। त्यसैगरी उनले विधार्थीका अभिभावक, शिक्षक र विद्यालय व्यवस्थापनको पनि महत्वपूर्ण भूमिका रहेको उल्लेख गरे ।

प्रधानाध्यापक कार्कीले भने, एसईईमा उत्कृष्ट नतिजा ल्याउनुमा विद्यार्थीको लगनशीलतालाई सबैभन्दा ठूलो श्रेय जान्छ । राम्रो विद्यार्थीको बाहुल्यता रहेको कक्षामा कमजोर विद्यार्थीले पनि उकृष्ट नतिजा ल्याउन सफल हुन्छ । यो वर्ष त्यस्तै भएको छ । ‘ विद्यार्थीका अभिभावकलेहरूले यस विद्यालयमाथि सुम्पिएको जिम्मेवारी हामीले पूरा गर्न सफल भएका छौं । हामीले विद्यालयको कुनै प्रशंसा गरेका होइनौ। एसईईमा यस विद्यालयले ल्याएको नतिजाको श्रेय विद्यार्थीहरूको लगनशीलताका साथै विद्यालयमा पढाउने शिक्षकहरू एंवम अभिभावकलाई पनि यसको श्रेय जान्छ।’

कार्यक्रममा यस वर्ष एसईईमा ४ जीपीए ल्याएकी श्रेया भुजुले ग्लोबल पब्लिक स्कुलको वातावरणले आफु र आफ्ना सहपाठीहरुले उत्कृष्ट नतिजा ल्याउन सफल भएको बताइन । उनले भनिन्, ‘ग्लोबल पब्लिक स्कुलले मलाई पारिवारिक वातावरण प्रदान गर्यो । जहाँ मेरा हरेक ससाना उपलब्धिहरूमा ग्लोबल पब्लिक स्कुलको साथले ४ जीपीए ल्याउन सफल भए । यसको श्रेय सम्पूर्ण ग्लोबल पब्लिक स्कुलको परिवार र यहाँको पारिवारिक वातावरणलाई दिन चाहन्छु ।’

त्यसैगरी, एसईईमा उत्कृष्ट नतिजा ल्याउन सफल भएका विधार्थीहरुका अभिभावकहरूले आफ्ना बालबालिकाहरूले उत्कृष्ट नतिजा ल्याउनुमा विद्यालय व्यवस्थापन, शिक्षक शिक्षीका र विद्यालयको वातावरण महत्वपूर्ण रहेको सुनाए ।

अघिल्ला वर्षहरूमा पनि ग्लोबलले स्कुललले एसईईमा उत्कृष्ट्र नतिजा हासिल गर्दै आएको थियो। यस वर्षको नतिजा भने अहिलेसम्मकै उत्कृष्ट हो ।
२०६२ सालबाट सञ्चालनमा आएको ग्लोबल स्कुलमा हाल ६ सय हाराहारी विद्यार्थी अध्ययनरत छन् । विद्यालयमा करिब ५० जना शिक्षक–शिक्षिकाले अध्यापन गर्छन्। विद्यालयले मध्यम शुल्कमा गुणस्तरीय शिक्षा प्रदान गर्दै आएको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।