सुनको भाउमा सामान्य गिरावट

सुनको भाउ सामान्य घटेको छ । शुक्रबार १०० रुपैयाँले बढेको सुनको भाउ आइतबार १०० रुपैयाँले नै घटेको हो ।

नेपाल सुनचाँदी व्यवसायी महासंघका अनुसार आइतबार छापावाला सुन प्रतितोला १ लाख ६० हजार रुपैयाँमा कारोबार भइरहेको छ । शुक्रबार छापावाला सुन प्रतितोला १ लाख ६० हजार १०० रुपैयाँमा कारोबार भएको थियो ।

त्यस्तै अघिल्लो दिन प्रतितोला १ हजार ९१० रुपैयाँ रहेको चाँदी आज १ हजार ९०५ रुपैयाँमा कायम भएको छ । नेपालमा अन्तर्राष्ट्रिय बजारको आधारमा सुनचाँदीको मूल्य निर्धारण गर्ने गरिएको छ ।

आइतबार अन्तर्राष्ट्रिय बजारमा सुन प्रतिऔंस २ हजार ५६२.८६ अमेरिकी डलर र चाँदी प्रतिऔंस ३०.२५ डलरमा कारोबार भइरहेको छ ।