बैंकर्स संघमा नयाँ कार्य समिति चयन, प्रमुख कार्यकारी अधिकृतमा सन्तोष कोइराला निर्विरोध

काठमाडौँ । नेपाल बैंकर्स संघले आफ्नो ३८ औं वार्षिक साधारणसभा सम्पन्न गरेसँगै नयाँ कार्यसमिति चयन भएको छ । संघको वार्षिक साधारण सभाले सन्तोष कोइरालाको नेतृत्वमा नयाँ कार्यसमिति चयन गरेको छ ।

बैकर्स संघको अध्यक्षमा माछापुच्छ्रे बैंक लिमिटेडका प्रमुख कार्यकारी अधिकृत सन्तोष कोइरालालाई निर्विरोध निर्वाचित गरेको छ । कोइराला यस अघि संघको उपाध्यक्ष थिए।

संघको उपाध्यक्ष पदमा ग्लोबल आइएमई बैंक लिमिटेडका प्रमुख कार्यकारी अधिकृत सुरेन्द्रराज रेग्मी निर्विरोध निर्वाचित भएका छन् । संघको कार्यसमितिका तीन जना सदस्यहरुमा एभरेष्ट बैंक लिमिटेड सीईओ सुदेश खालिङ, कुमारी बैंक सीईओ राम चन्द्र खनाल, नेपाल बैंकका सीईओ तिलकराज पाण्डेय निर्विरोध निर्वाचित भएका छन् ।

साधारण सभाको निर्णय पश्चात् संघको कार्यकारिणी समितिका सदस्यमा प्रभु बैंकका सीईओ अशोक शेरचन, सानिमा बैंकका सीईओ निश्चलराज पाण्डे, प्राइम कमर्सियल बैंकका सीईओ सञ्जिब मानन्धर र सिद्धार्थ बैंकका सीईओ सुन्दर प्रसाद कँडेल चयन भएका छन् ।