काभ्रेपलाञ्चोकमा विश्व युवा महोत्सव हुने

काठमाडौँ । काभ्रेपलाञ्चोकमा विश्व युवा महोत्सव हुने भएको छ । जिल्ला समन्वय समिति काभ्रेको पहलमा यो महोत्सव चैत्र १४ देखि १८ सम्म हुने भएको हो ।

नेपालमा युवाहरुको यस स्तरको अन्तर्राष्ट्रिय महोत्सव पहिलो पटक आयोजना हुन लागेको हो। यस महोत्सवले नेपालमा भएका अवसर, दक्षता, चुनौती देखि युवाहरुलाई स्वदेशमै भएका सम्भावनाहरु बारे परिचित गराउँने भएको छ ।

जिल्ला समन्वय समिति काभ्रेपलाञ्चोकका प्रमुख दीपक कुमार गौतमले भने ‘यस कार्यक्रमले विश्वभरका युवाको विचारहरु साझेदारी गर्न, सम्बन्ध निर्माण गर्न र राम्रो संस्कारको समाधान खोज्न एकताबद्ध गर्दछ । भोलीका नेताको रुपमा तपाईसँग संसारलाई आकार दिने शक्ति छ। यो महोत्सवले एउटा मञ्चको रुपमा काम गर्दछ जहाँ संस्कृतिहरु मिल्छन्, विचारहरु फैलिन्छन् र एकता मनाइन्छ।’

७५ देशका १० हजार प्रतिनिधि यस युवा महोत्सवमा आउने छन्। त्यसमा २ सय भन्दा बढि वक्तहरु हुनेछन् । ३ लाख भन्दा बढि युवा भेला हुने आशा गरिएको महोत्सवमा ५० भन्दा बढि विभिन्न गतिविधाका कार्यक्रमहरु हुनेछन् । महोत्सवमा आजको युवाहरु प्रभावित भएका गहन विषयमा वर्कशप गर्नुका साथै छलफल गरिने छ ।

जलवायु परिवर्तन, लैंगिक एकता, महिला सशकिकरण, वाक स्वतन्त्रता, पर्यटन, राजनीति, लिडरसिप, स्थानिय खाना लगायतका विषयमा यस युवा महोत्सवमा ठुलो बहस हुनेछ ।