नेप्से परिसूचक बढ्ने क्रमले निरन्तरता पाएपनि कारोबार रकम घट्यो

नेपाल स्टक एक्सचेञ्ज (नेप्से) परिसूचक बढ्ने क्रमले मंगलबार पनि निरन्तरता पाएको छ । गत साताको आइतबार देखि निन्रत बढेको नेप्से मंगलबार पनि ७ अंकले बढेको हो ।

सोमबार ३.३५ अंकले बढेको नेप्से परिसूचक मंगलबार ७.१३ अङ्कले बढेर २७६५.८८ को विन्दुमा पुगेको छ । तर नेप्से सूचक बढ्ने क्रमले निरन्तरता पाएको भएपनि कारोबार रकममा भने कमी आएको छ ।

मंगलबार तीन सय १२ कम्पनीको एक करोड ७८ लाख ६५ हजार सात सय तीन कित्ता सेयर ९७ हजार पाँच सय ६२ पटक खरिदबिक्री हुँदा ९ अर्ब ९० करोड ९३ लाख ८६ हजार रुपैयाँ बराबरको कारोबार भएको छ ।

आजको कारोबारमा बैङ्किङ ०.०२, होटल तथा पर्यटन ०.०५, लगानी ०.७७, जीवन बीमा ०.८१, उत्पादन तथा प्रशोधन ०.१८, म्युचुअल फन्ड ०.०५ र अन्य समूह २.९० प्रतिशतले बढेक छन्् । अरु सबै समूहको उपसूचक घटेको छ । विकास बैङ्क ०.१२, वित्त ०.७१, लघुवित्त ०.१५, निर्जीवन बीमा ०.२८ र व्यापार समूह २.५१ प्रतिशतले घटेको हो ।

गार्डियन माइक्रोलाईफ इन्स्योरेन्सको सेयर मूल्यमा सकारात्मक सर्किट लाग्ने क्रमले आज पनि निरन्तरता पाएको छ । सबैभन्दा धेरै घट्नेमा भने विन नेपाल लघुवित्त वित्तीय संस्थाको सेयर मूल्य ८.९७ प्रतिशतले घटेको छ ।

कारोबार रकमका आधारमा आज सबैभन्दा धेरै हिमालयन रिइन्स्योरेन्स लिमिटेडको एक अर्ब दुई करोड ६२ लाख ७३ हजार रुपैयाँ बराबरको कारोबार भएको छ । त्यस्तै कारोबार भएका सेयर सङ्ख्याका आधारमा भने सबैभन्दा धेरै हाइड्रोइलेक्ट्रिसिटी इन्भेस्टमेन्ट एन्ड डेभलपमेन्ट कम्पनी लिमिटेड प्रमोटर सेयर १० लाख ३१ हजार दुई सय ८८ कित्ता किनबेच भएको छ ।