कर्मचारी सञ्चय कोषले माग्यो ठुलो संख्यामा कर्मचारी (सुचनासहित)

काठमाडौं । कर्मचारी सञ्चय कोषले विभिन्न पदमा ठुलो संख्यामा कर्मचारी माग गरेको छ । कोषले शुक्रबार सूचना जारी गर्दै विभिन्न पदमा ३८ जना कर्मचारी आवहान गरेको हो ।

कोषले प्रबन्धक १ जना खुल्ला र उप प्रबन्धक १ जना दलित मागेको छ । यस्तै कोषले उप प्रबन्धक –चार्टर एकाउन्टेन्ट खुल्ला मधेशी र दलित एक एक गरी ३ जना, सहायक प्रबन्धक खुल्ला ४ जना महिला मधेशी दलित अपाङ्ग कानुन खुल्ला आदिवासी जनजाति र प्राविधिक एक एक जना गरि ११ जना मागेको छ । यस्तै प्रमुख सहायक प्रशासन तर्फ खुल्ला १२ जना महिला आदिवासी जनजाती ३।३ जना मधेशी २ जना दलित पिछिडिएको वर्गबाट १।१ जना गरि २२ जना मागेको छ । यसरी विभिन्न पदहरुमा गरी जम्मा ३८ जना कर्मचारी माग गरेको छ ।

परीक्षाको हकमा प्रमुख सहायकको लिखित कम्प्युटर सीप परीक्षण र अन्तर्वार्ता हुने र अन्य सबैको हकमा लिखित र अन्तर्वार्ता मात्र हुने कोषले निकालेको सुचनामा उल्लेख गरिएको छ । आवश्यक शैक्षिक योग्यता प्रबन्धक र उप प्रबन्धकको हकमा व्यवस्थापनमा संकायमा वा मानविकी संकाय अर्थशास्त्रमा स्नातकोत्तर गरेको र कानुन बमोजिम स्थापित सस्थामा अधिकृत सरह ५ वर्ष काम गरेको हुनुपर्ने छ । चार्टर एकाउन्टेन्टको हकमा मान्यता प्राप्त शिक्षण सस्थाबाट उत्तिर्ण भई कानुन द्धारा स्थापित सस्थामा ५ वर्ष अधिकृत सरह काम गरेको हुनुपर्ने छ। यस्तै सहायक प्रबन्धक प्रशासनको लागी व्यवस्थापन संकाय वा मानविकी संकाय अर्थशास्त्रमा स्नातकात्तर वा सो सरह उपाधी हासील गरेको हुनुपर्ने छ।

सहायक प्रबन्धक कानुनको हकमा मान्यता प्राप्त शिक्षण सस्थाबाट स्नातपोत्तर वा सो सरह उत्तिर्ण गरेको हुनुपर्ने छ । सहायक प्रबन्धक सिस्टमको हकमा मान्यता प्राप्त शिक्षण सस्थाबाट कम्प्यरटर विज्ञान वा कम्प्यरटर इन्जिनियरिङ वा सो सरह उत्तिर्ण गरेको हुनुपर्ने छ ।

आवेदन दस्तुर प्रबन्धक उप प्रकन्धक र सहायक प्रबन्धकको हकमा ११०० लाग्ने छ भने प्रत्येक समावेशी समुहवाफत थप ५०० लाग्ने छ । यस्तै प्रमुख सहायकको पदको लागि ६०० लाग्ने छ । प्रमुख सहायकको लागि दरखास्त दिने अन्तिम दिन सम्म १८ वर्ष पुरा भई ३५ वर्ष ननाघेको तर महिला र अपाङगको हकमा ४० वर्ष ननाघेको हुनुपर्ने छ । सहायक प्रबन्धकको हकमा २१ वर्ष पुरा भई ३५ वर्ष ननाघेको तर महिला र अपाङगको हकमा ४० वर्ष ननाघेको हुनुपर्ने छ । यस्तै प्रबन्धक र उप प्रबन्धकको हकमा २१ वर्ष पुरा भई ४५ वर्ष ननाघेको हुनुपर्ने छ । तर बहालवाला कर्मचारीको हकमा उमेर हद लागु हने छैन् सुचना प्रकाशित भएको मितिले २१ दिनभित्र दस्तुर बुझइसक्नु पर्ने छ । दोब्बर दस्तुर तिरेर थप ७ दिन भित्रमा दस्तुर बुझाउन सकिने छ । परीक्षणकाल र तलब स्केल कर्मचारी सेवा शर्त नियमावली २०७८ बमोजिम हुनेछ ।

फारम तथा दस्तुर बुझउनको लागि कार्यालयको वेवसाइट  https://vacancy.epf.org.np बाट फारम भर्न सकिने छ ।  सम्पर्क तथा परीक्षा मिति पछि प्रकाशित गरिने छ । सबै पदहरुको लिखित परिक्षा लोक सेवा आयोगले लिने छ । सहायक प्रबन्धक (चार्टड एकाउन्टेन्ट सिस्टम र कानुन) को कार्यक्षेत्र उपत्यका भित्र हुनेछ भने अरुको उपत्यका बाहिरका कार्यालयहरुमा हुनेछ ।