आइजीआई प्रुडेन्सियल इन्स्योरेन्सको सस्थापक सेयर बिक्रीमा

काठमाडौँ । आइजीआई प्रुडेन्सियल इन्स्योरेन्स लिमिटेडले संस्थापक सेयर बिक्रीमा ल्याएको छ । इन्स्योरेन्सले ८० हजार कित्ता सेयर बिक्रीमा ल्याएको हो । प्रति शेयर न्युनतम मूल्य १८५ रुपैयाँ तोकिएको छ ।
उक्त सेयरमा विद्यमान संस्थापकहरु, योग्य व्यक्ति\कम्पनी\संघ\संस्थाहरुले ३५ दिनभित्र आवेदन दिन सक्ने छन् ।

वोलपत्र पेश गर्दा न्युनतम ८० हजार कित्ताको लागि आवेदन दिनु पर्नेछ । बोलपत्र दाखिला गरिसकेपछि वोलपत्रमा कबोल गरेको शेयर संख्या वा रकममा कुनै हरेफेर गर्न वा बोलपत्र फिर्ता लिन सकिने छैन ।

प्राप्त वोलपत्रहरुको छानविन गरी रितपूर्वक प्राप्त बोलपत्रहरु मध्ये अधिकतम प्रति कित्ता मूल्यमा आवेदन गर्नेलाई शेयर वाँडफाँड गरिनेछ। साथै समान मूल्यमा शेयरको लागि आवेदन दिएमा विद्यमान संस्थापक शेयरधनीहरुलाई प्राथामिकता प्रदान गरेपश्चात् मात्र अन्यलाई शेयर बाँडफाँड गरिने छ । बोलकवोलमा शेयर बिक्री गर्दै जाँदा एउटै मूल्यमा दुइ वा दुईभन्दा वढी वोलपत्र आवेदनहरु पर्न गई वाँडफाँड हुन वाँकी शेयरभन्दा बढीको माग भएमा माग गरेको शेयरको आधारमा समानुपातिक रुपमा शेयर वाँडफाँड गरिनेछ ।

वोलपत्र आवेदनहरुमध्ये वाँडफाँडमा नपरेको शेयर वापत जम्मा भएको रकम आवेदकहरुको बैंक खातामा सोझै फिर्ता भुक्तानी गर्ने व्यवस्था गरिने छ ।