सिटिजन्स बैंकले धितोमा रहेको जग्गा बिक्री गर्ने

काठमाडौं । सिटिजन्स बैंकले धितोमा राखिएको चल अचल सम्पत्ती बिक्री गर्ने भएको छ । बैंकले सोमबार एक सुचना जारी गर्दै सानुमाया तामाङको नाममा काठमाडौँ जिल्ला वडा नम्बर ८ मनमैजुमा रहेको कित्ता नं २६५ को ९०.४५ वर्गकिलोमिटर जग्गा बिक्रीमा राखेको हो ।

बोलकबोल गर्ने व्यक्तिले आफुले कबोल गरेको रकमको १० प्रतिशत रकम जम्मा गरेको भौचर बोलपत्र साथ पेश गर्नुपर्ने छ । यस्तै लिलाम सकार गर्ने व्यक्तिले सम्पुर्ण रकम बैंकले माग गरेको ७ दिनभित्र नबुझाएमा १० प्रतिशत धरौटी रकम जफत गरिने छ ।

लिलाम हुने सम्पत्ति जुन अवस्थामा छ सोही अवस्थामा स्वीकार्नु पर्नेछ । लिलामी गर्दा लाग्ने सम्पुर्ण खर्च लिलामीकर्ता स्वयंम्ले तिर्नुपर्ने छ । बोलकबोल गर्दा सबैभन्दा कम वा सबैभन्दा बढि रकम कबोल गर्ने सम्पत्ति कसलाई दिने भन्ने सम्पुर्ण अधिकार बैंकमा हुने छ ।

उक्त सम्पत्ति लिलामी गर्दा बैकलाई चित्त नबुझेमा बैंक तथा वित्तीय सस्था ऐन २०७६ बमोजिम आफ्नै स्वामित्वमा लिन सक्ने छ । लिलामी २०८१ चैत २५ गते दिउँसो ४ बजे बैंकको केन्द्रिय कार्यालय नारायणहिटि पथ काठमाडौंमा खोलिने बैंकले जनाएको छ ।