सांग्रिला डेभलपमेन्ट बैंक (SADBL) ले क्यूआर कोड स्क्यान गरी भुक्तानी लिने सुविधा नेपालभर रहेका ९१ शाखा कार्यालयहरुबाट उपलब्ध गराएको छ ।
बैंकले बालुवाटार शाखाबाट शुरु गरिएको क्यूआर कोड (QR Code) देशभरका शाखा मार्फत उपलब्ध गराएको हो ।
चेक र एटिएमको विकल्पको रुपमा आएको यो सुविधा प्रयोग गरी कोभिड १९ बाट हुन सक्ने सम्भावित जोखिम न्यूनिकरणमा उपयोगी हुने विश्वास बैंकले लिएको छ ।
यस अन्तर्गत ग्राहकहरुले अधिकतम एक लाख रुपैयाँसम्मको रकम आफ्नो आवश्यकता अनुसार क्यूआर कोड स्क्यान गरी भुक्तानी लिन सक्नेछन् ।
यस बैंकको मुलुकभर ९१ शाखा कार्यालयहरु, ३० एटिएम रहेको छ ।
समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
About Us
प्रतिक्रिया