विकास बैंकमध्ये बिहीबारसम्म पाँच वटाले चालु आवको तेस्रो त्रैमासिक वित्तीय विवरण सार्वजनिक गरेका छन् । वित्तीय विवरण सार्वजनिक गरेका विकास बैंकहरुको ९ वटा सूचाङ्कका आधारमा तुलना गरिएको छ ।
तुलना गरिका ९ सूचकमध्ये ७ सूचकमा मुक्तिनाथ विकास बैंक अग्र स्थानमा देखिएको छ भने कामना सेवा विकास बैंक कमजोर देखिएको छ ।
चुक्ता पूँजी
चुक्ता पूँजीको आधारमा सबैभन्दा धेरैमुक्तिनाथ विकास बैंकको ४ अर्ब ८१ करोड रहेको छ भने कामना सेवाको सबैभन्दा कम २ अर्ब ६३ करोड रहेको छ । अन्य तीनको ३ अर्ब धेरै रहेको छ ।
जगेडा कोष
जगेडा कोषका आधारमा पनि मुक्तिनाथ विकास बैंकको १ अर्ब ८४ करोड रहेको छ भने कामना सेवाको सबैभन्दा कम १ अर्ब १७ करोड रहेको छ ।
प्रतिशेयर आम्दानी
वित्तीय विवरण सार्वजनिक गरेका बैंकमध्ये कामना सेवा विकास बैंकको सबैभन्दा धेरै २९.४७ रुपैयाँ देखिएको छ भने सबैभन्दा कम महालक्ष्मीको १६.१० रुपैयाँ रहेको छ । अन्य तीन बैंकको २० रुपैयाँभन्दा बढी छ ।
S.N. | Name | Paidup | Reserve | EPS |
1 | Kamana Sewa | 2,651,963.73 | 1,176,112.71 | 29.47 |
2 | Muktinath | 4,811,550.80 | 1,849,112.25 | 27.87 |
3 | Garima | 3,675,912.50 | 1,430,743.84 | 24.60 |
4 | Jyoti | 3,844,822.78 | 1,289,132.78 | 20.89 |
5 | Mahalaxmi | 3,342,402.73 | 1,834,829.36 | 16.10 |
खुद नाफा
खुद नाफाका आधारमा पनि मुक्तिनाथ विकास बैंकले अन्य बैंकलाई उछिनेको छ । बैंकले १ अर्ब ५६ लाख रुपैयाँ खुद नाफा आर्जन गरेको छ । महालक्ष्मीको सबैभन्दा कम ४० करोड ३६ लाख रुपैयाँ रहेको छ । अन्य तीनको ५८ देखि ७० करोडको बीचमा रहेको छ ।
खुद ब्याज आम्दानी
खुद ब्याज आम्दानीका आधारमा पनि मुक्तिनाथ विकास बैंकले १ अर्ब ८९ करोड रुपैयाँ आर्जन गर्दा ज्योति विकास बैंकले १ अर्ब १ करोड मात्र कमाएको छ । अन्य तीन बैंकको पनि १ अर्बदेखि १ अर्ब ३५ करोडको बीचमा रहेको छ ।
वितरणयोग्य नाफा
वितरणयोग्य नाफामा पनि मुक्तिनाथ अगाडि छ । बैंकको वितरणयोग्य नाफा ८२ करोड ८७ लाख रुपैयाँ छ भने महालक्ष्मीको सबैभन्दा कम २५ करोड ७६ लाख छ । अन्य तीन बैंकको ३८ करोडदेखि ४९ करोडको बीचमा रहेको छ ।
S.N. | Name | Net Interest Income | Net Profit | Distributed Profit |
1 | Muktinath | 1,894,781.85 | 1,005,630.08 | 828719.53 |
2 | Garima | 1,354,697.05 | 678,276.20 | 490298.74 |
3 | Jyoti | 1,018,963.26 | 602,512.92 | 433140.36 |
4 | Kamana Sewa | 1,077,678.33 | 586,156.39 | 388894.01 |
5 | Mahalaxmi | 1,167,299.08 | 403,605.08 | 257662.14 |
निक्षेप संकलन र कर्जा परिचालन
निक्षेप संकलन र कर्जा परिचालनका आधारमा मुक्तिनाथले सबैभन्दा बढी ७९ अर्ब ९० करोड रुपैयाँ निक्षेप संकलन गरेको छ भने ६८ अर्ब ५७ करोड लगानी गरेको छ ।
महालक्ष्मीले सबैभन्दा कम ३६ खर्ब ४६ अर्ब रुपैयाँ निक्षेप संकलन गरेको छ भने कर्र्जा परिचालनमा २९ अर्ब १० करोड रुपैयाँ कर्जा लगानी गरेको छ । अन्य तीन बैंकको ३६ अर्बदेखि ५९ अर्बसम्म निक्षेप संकलन तथा कर्जा लगानी गरेका छन् ।
खराब कर्जा अनुपात
चालु आर्थिक वर्षको ९ महिनाको आधारमा खराब कर्जा अनुापतमा सबैभन्दा बढी खराब कर्जा महालक्ष्मी विकास बैंकको ४.४४ प्रतिशत रहेको छ भने मुक्तिनाथ विकास बैंकले सबैभन्दा कम ०.२१ प्रतिशतमा राखेको छ । अन्य तीन बैंकको पनि १ प्रतिशत वा सोभन्दा कम रहेको छ ।
S.N. | Name | Deposit | Loan | NPL |
1 | Muktinath | 79,907,141.48 | 68,578,492.35 | 0.21 |
2 | Garima | 59,205,438.12 | 50,297,082.37 | 0.58 |
3 | Jyoti | 45,319,920.77 | 39,539,259.66 | 0.58 |
4 | Kamana Sewa | 39,247,211.02 | 36,556,662.74 | 1.00 |
5 | Mahalaxmi | 36,467,758.97 | 29,101,938.85 | 4.44 |
? समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
प्रतिक्रिया