वाणिज्य बैंकहरुको ६ महिनाको खुद नाफा ३४ अर्ब, १५ बैंकले बढाउँदा ७ को घट्यो

वाणिज्य बैंकहरुले चालु आर्थिक वर्षको दोस्रो त्रैमाससम्म ३३ अर्ब ७५ करोड १९ लाख ५९ हजार रुपैयाँ खुद नाफा आर्जन गरेका छन् । जुन अघिल्लो आवको सोही अवधिको तुलनामा १३.८१ प्रतिशत धेरै हो । अघिल्लो आवको सोही अवधिमा बैंकहरुले २९ अर्ब ६५ करोड ७५ लाख रुपैयाँ खुद नाफा कमाएका थिए ।

सञ्चालनमा रहेका २२ मध्ये २१ बैंक नाफामा छन् भने कृषि विकास बैंक भने १३ करोड रुपैयाँ नोक्सानीमा रहेको छ । कृषि विकास बैंकको बढ्दो खराब कर्जाका कारण सम्भावित कर्जा नोक्सानी व्यवस्था (इम्पेरिमेन्ट चार्ज) बढ्दा बैंक १३ करोड नोक्सानीमा पुगेको छ । राष्ट्र बैंकको निर्देशन अनुसार बैंकले २ अर्ब १७ करोड रुपैयाँ सम्भावित कर्जा नोक्सानी वापत व्यवस्था गरेपछि बैंकको नाफा १०९ प्रतिशतले घटेर १२ करोड ८९ लाख रुपैयाँ ऋणात्मक हुन पुगेको हो ।

चालु आर्थिक वर्षको ६ महिना अवधिमा नबिल बैंकले सबैभन्दा धेरै ३ अर्ब ४१ करोड ७७ लाख रुपैयाँ खुद नाफा आर्जन गरेको छ । गत आर्थिक वर्षको ६ महिना अवधिको तुलनामा ५६.६७ प्रतिशतले धेरै हो । नेपाल बंगलादेश बैंकलाई प्राप्ती गरेपछि नबिल बैंकको नाफामा उच्च वृद्धि भएको हो । एनआईसी एशिया बैंकले ३६ प्रतिशतले नाफा बढाएर ३ अर्ब २७ करोड ३३ लाख रुपैयाँ खुद नाफा आर्जन गरेको छ ।

यस्तै बैंक अफ काठमाण्डूलाई प्राप्ती गरी पूँजीका आधारमा सबैभन्दा ठूलो बनेको ग्लोबल आइएमई बैंकले पुस मसान्तसम्ममा २ अर्ब ७८ करोड २३ लाख रुपैयाँ नाफा कमाएको छ । बैंकको नाफा ४.४२ प्रतिशतले मात्रै बढेको छ । बैंक अफ काठमाण्डूले एकीकृत कारोबारको अघिल्लो दिनसम्म २४ पुससम्म गरेको नाफा बैंकले रिटर्न अर्निङमा ट्रान्सफर गरेको जनाएको छ ।

यस्तै सरकारी स्वामित्वको राष्ट्रिय वाणिज्य बैंकले २ अर्ब ७१ करोड १८ लाख रुपैयाँ नाफा कमाएको छ । बैंकले खुद नाफा ४१.२८ प्रतिशतले बढाएको हो । यस्तै नेपाल इन्भेष्टमेन्ट मेगा बैंक लिमिटेडले २ अर्ब ८ करोड ६३ लाख रुपैयाँ खुद नाफा आर्जन गरेको छ । अन्य बैंकहरुको नाफा २ अर्ब रुपैयाँभन्दा कम छ ।

बाह्र बैंकको खुद नाफा एक अर्बभन्दा धेरै दुई अर्बभन्दा कम रहेको छ । यस अवधिमा एनएमबि बैंकले १ अर्ब ९० करोड, स्ट्याण्डर्ड चार्टर्ड बैंकले १ अर्ब ७५ करोड, प्राइम कमर्सियल बैंकले १ अर्ब ६५ करोड, एभरेष्ट बैंकले १ अर्ब ५८ करोड, कुमारी बैंकले १ अर्ब ५३ करोड, सानिमा बैंकले १ अर्ब २८ करोड, प्रभु बैंकले १ अर्ब २० करोड, नेपाल एसबिआई बैंकले १ अर्ब १७ करोड, नेपाल बैंकले १ अर्ब १७ करोड, सिद्धार्थ बैंकले १ अर्ब १६ करोड, लक्ष्मी बैंकले १ अर्ब ७ करोड र माछापुच्छ्रे बैंकले १ अर्ब २ करोड रुपैयाँ खुद नाफा आर्जन गरेको छ ।

S.N.	Commercial Banks	Net Profit
		2079 Poush	2078 Poush	Change%
1	Nabil Bank Limited	3417698.00	2181420.00	56.67
2	NIC Asia Bank Limited	3273330.26	2402066.31	36.27
3	Global IME Bank Limited	2782379.00	2663384.00	4.47
4	Rastriya Banajya Bank	2711851.61	1919505.72	41.28
5	Nepal Investment Mega Bank	2086307.00	1624324.00	28.44
6	NMB Bank Limited	1901153.00	1711519.00	11.08
7	Standard Chartered Bank	1753635.00	1086770.00	61.36
8	Prime Commercial Bank	1652044.75	1678589.95	-1.58
9	Everest Bank Limited	1588003.00	838920.00	89.29
10	Kumari Bank Limited	1530707.07	951738.183	60.83
11	Sanima Bank Limited	1285379.52	1077068.52	19.34
12	Prabhu Bank Limited	1199961.00	1262010.00	-4.92
13	Nepal SBI Bank Limited	1177194.32	782781.12	50.39
14	Nepal Bank Limited	1170655.43	1417058.84	-17.39
15	Siddhartha Bank Limited	1161199.79	1577313.80	-26.38
16	Laxmi Bank Limited	1077115.00	817398.00	31.77
17	Machhapuchhre Bank Limited	1025262.14	1010830.47	1.43
18	Himalayan Bank Limited	954704.99	743450.90	28.42
19	Citizen Bank International Ltd.	841333.05	1239349.55	-32.11
20	Sunrise Bank Limited	653957.25	745544.61	-12.28
21	Civil Bank Ltd	637022.00	504001.00	26.39
22	Agriculture Development Bank	-128933.57	1422512.58	-109.06
Total		33880893.17	29657556.54	14.24

 

पुस मसान्तसम्म चार वाणिज्य बैंकहरुले एक अर्बभन्दा कम नाफा कमाएका छन् । हिमालयन बैंकले ९५ करोड ४७ लाख, सिटिजन बैंक ८४ करोड १३ लाख, सनराइज बैंक ६५ करोड ३९ लाख र सिभिल बैंकले ६३ करोड ७० लाख रुपैयाँ खुद नाफा कमाएको छ ।

पन्ध्रले नाफा बढाउँदा सात बैंकको घट्यो

समीक्षा अवधीमा १५ बैंकले खुद नाफा बढाउँदा ७ बैंकको नाफा घटेको छ । पाँच बैंकहरु एभरेष्ट, स्ट्याण्डर्ड चार्टर्ड, कुमारी, नबिल र नेपाल एसबिआई बैंकको नाफा ५० प्रतिशतभन्दा धेरैले बढेको हो ।

एभरेष्ट बैंकले गत आवको दोस्रो त्रैमासको तुलनामा ८९ प्रतिशत, स्ट्याण्डर्ड चार्टर्ड बैंकले ६१, कुमारी बैंक ६०, नबिल बैंकले ५६ प्रतिशत र नेपाल एसबिआई बैंकको खुद नाफा ५० प्रतिशतभन्दा धेरैले बढेको छ ।

चालु आवको ६ महिना अवधिमा अन्य ७ वाणिज्य बैंकहरुको नाफा पनि घटेको छ । यस अवधिमा कृषि विकास बैंक, सिटिजन्स बैंक, सिद्धार्थ बैंक, नेपाल बैंक, सनराइज बैंक, प्रभु बैंक, प्राइम कमर्सियल बैंकको पनि नाफा घटेको छ । कोभिड–१९ संक्रमणका कारण बैंक तथा वित्तीय संस्थाहरुको प्रवाहित कर्जा असुलीमा सहजता नभई खराब कर्जा बढेको छ । यसरी खराब कर्जा बढेपछि जोखिम व्यवस्थापन बढ्दा बैंकहरुको नाफा प्रभावित भएको हो ।

कृषि विकास बैंकको नाफा सर्वाधिक १०९ प्रतिशत घटेर १२ करोड ८९ लाख नोक्सानीमा पुगेको छ । यस्तै सिटिजन्स बैंकको ३२.११, सिद्धार्थ २६.३८, नेपाल बैंक १७.३९, सनराइज बैंक १२.२८, प्रभु बैंक ४.९२ र प्राइम कमर्सियल बैंकको खुद नाफा पनि १.५८ प्रतिशतले घटेको छ ।

कसको इपीएस कति ?

चालु आवो दोस्रो त्रैमासको वित्तीय विवरण अनुसार एनआईसी एशिया बैंकको वार्षिक प्रतिसेयर आम्दानी (इपीएस) सबैभन्दा धेरै ५६ रुपैयाँ ७७ पैसा रहेको छ । यस्तै स्ट्याण्डर्ड चार्टडको ३७ रुपैयाँ १९ पैसा, राष्ट्रिय वाणिज्य बैंक ३७ रुपैयाँ ५ पैसा, एभरेष्ट बैंकको २९ रुपैयाँ ६९ पैसा, नेपाल एसबिआई बैंकको २३ रुपैयाँ ९६ पैसा, नबिल बैंकको २३ रुपैयाँ ३३ पैसा, एनएमबि बैंकको २० रुपैयाँ ७० पैसा र सानिमा बैंकको पार्षिक प्रतिसेयर आम्दानी २० रुपैयाँ ६९ पैसा रहेको छ ।

यस्तै माछापुच्छ्रे बैंकको १९ रुपैयाँ ९९ पैसा, लक्ष्मी बैंक १८ रुपैयाँ ६५ पैसा, ग्लोबल आइएमई बैंक १८ रुपैयाँ ७ पैसा, प्राइम १७ रुपैयाँ ३ पैसा, सिद्धार्थ बैंक १६ रुपैयाँ ५३ पैसा, नेपाल बैंक १५ रुपैयाँ ९३ पैसा र नेपाल इन्भेष्टमेन्ट मेगा बैंक १५ रुपैयाँ ६१ पैसा इपीएस कायम भएको छ ।
यस अवधिमा ६ बैंकको इपीएस १०भन्दा धेरै १५ रुपैयाँभन्दा कम छ । ती बैंकहरुमा सिभिल बैंक, हिमालयन बैंक, सनराइज बैंक, सिटिजन, कुमारी र प्रभु बैंक रहेको छ । कृषि विकास बैंकको ४ रुपैयाँ ४३ पैसा ऋणात्मक छ ।

एघार बैंकको इपीएस बढ्यो, एघारकै घट्यो

अघिल्लो आवको दोस्रो त्रैमासको तुलनामा ११ बैंकको वार्षिक प्रतिसेयर आम्दानी बढेको छ भने ११ बैंकको घटेको छ । यस अवधीमा एनआईसी एशिया बैंकको सबैभन्दा धेरै १५ रुपैयाँ ३४ पैसा बढेको छ । यस्तै स्ट्याण्डर्ड चार्टडको १४ रुपैयाँ १४ पैसा, नेपाल एसबिआई बैंकको ८ रुपैयाँ ३ पैसा, एभरेष्ट बैंकको ७ रुपैयाँ ९ पैसा, राष्ट्रिय वाणिज्य बैंक ४ रुपैयाँ ९० पैसा, लक्ष्मी बैंक ४ रुपैयाँ ५० पैसा, सिभिल बैंकको २ रुपैयाँ ३८ पैसा, हिमालयन बैंकको २ रुपैयाँ १६ पैसा, एनएमबि बैंकको २ रुपैयाँ ६ पैसा, सानिमा बैंकको १ रुपैयाँ ७२ पैसा र माछापुच्छ्रे बैंकको वार्षिक प्रतिसेयर आम्दानी २८ पैसा बढेको छ ।

समीक्षा अवधिमा एघार बैंकको इपीएस घटेको छ । कृषि विकास बैंकको २३ रुपैयाँ ५३ पैसा, प्रभु बैंक ९ रुपैयाँ ६७ पैसा, सिद्धार्थ बैंकको ५ रुपैयाँ ८० पैसा, सिटिजन बैंक ५ रुपैयाँ ६० पैसा, ग्लोबल आईएमई ४ रुपैयाँ ३२ पैसा, नेपाल बैंक ३ रुपैयाँ ७४ पैसा, नेपाल इन्भेष्टमेन्ट मेगा बैंक २ रुपैयाँ १३ पैसा, सनराइज बैंकको १ रुपैयाँ ८१ पैसा, कुमारी बैंकको १ रुपैयाँ २७ पैसा, प्राइम कमर्सियल बैंकको ९६ पैसा र नबिल बैंकको वार्षिक प्रतिसेयर आम्दानी अघिल्लो आवको यसै अवधिको तुलनामा २६ पैसाले घटेको छ ।

 

S.N.	Commercial Banks	Earnings Per Share (EPS) in RS
		2079 Poush	2078 Poush	Change
1	NIC Asia Bank Ltd.	56.77	41.43	15.34
2	Standard Chartered Bank Limited	37.19	23.05	14.14
3	Nepal SBI Bank Limited	23.96	15.93	8.03
4	Everest Bank Limited	29.69	22.60	7.09
5	Rastriya Banajya Bank	37.05	32.15	4.90
6	Laxmi Bank Limited	18.65	14.15	4.50
7	Civil Bank Ltd	14.04	11.66	2.38
8	Himalayan Bank Limited	13.63	11.47	2.16
9	NMB Bank Limited	20.70	18.64	2.06
10	Sanima Bank Limited	20.69	18.97	1.72
11	Machhapuchhre Bank Limited	19.99	19.71	0.28
12	Nabil Bank Limited	23.33	23.59	-0.26
13	Prime Commercial Bank Ltd.	17.03	17.99	-0.96
14	Kumari Bank Limited	11.67	12.94	-1.27
15	Sunrise Bank Limited	12.93	14.74	-1.81
16	Nepal Investment Mega Bank	15.61	17.74	-2.13
17	Nepal Bank Limited	15.93	19.67	-3.74
18	Global IME Bank Limited	18.07	22.39	-4.32
19	Citizen Bank International Limited	11.85	17.45	-5.60
20	Siddhartha Bank Limited	16.53	22.33	-5.80
21	Prabhu Bank Limited	10.19	19.86	-9.67
22	Agriculture Development Bank	-4.43	19.10	-23.53

 

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।