महालक्ष्मी विकास बैंक ‘बीएफआईएन एल एण्ड डी एक्सिलेन्स अवार्ड २०२३’ बाट सम्मानित

महालक्ष्मी विकास बैंक फाइनान्स एण्ड इन्स्योरेन्स इन्स्टिच्युट अफ नेपाल ९बीएफआईएन० ले प्रदान गर्ने ‘एल एण्ड डी एक्सिलेन्स अवार्ड २०२३’ बाट पुरस्कृत भएको छ ।

कर्मचारीलाई उत्कृष्ट गुणस्तर र उच्चतम संख्यामा तालिम उपलब्ध गराएसँगै उक्त अवार्डबाट सम्मानित भएको बैंकले जनाएको छ । बैंकले गोल्ड श्रेणी अन्तर्गतको पुरस्कार प्राप्त गरेको हो ।

काठमाडौंमा साउन २९ गते सोमबार आयोजित ‘लिडर फर द नेक्स्ट जेनेरेसन एक्सपेड द अनएक्सपेक्टेड’ कन्फरेन्समा बैंकलाई उक्त पुरस्कार प्रदान भएको बैंकले जनाएको छ ।

नेपाल बीमा प्राधिकरणका अध्यक्ष सूर्यप्रसाद सिलवालले महालक्ष्मी विकास बैंक मानव संशाधन विभागका प्रमुख विशालराज कार्कीलाई उक्त पुरस्कार हस्तान्तरण गरेका थिए ।

सबल बैंक, सफल सहकार्य” को नारालाई आत्मसाथ गर्दै नेपाली जनताको घरदैलोमा विगत २९ वर्ष देखि अनवरत रुपले सरल, सहज र गुणस्तरिय वित्तीय सेवा प्रदान गर्दै आईरहेको यस बैंकले आम ग्राहक महानुभावहरुको बैंकिङ्ग आवश्यकता, चाहना तथा अपेक्षालाई मध्यनजर गर्दै अझै थप गुणस्तरिय वित्तीय सेवा प्रदान गर्ने प्रतिबद्द्ता जनाएको छ ।

? समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।