स्टयाण्डर्ड चार्टर्ड बैंकको लाभांश बढ्यो, नगद मात्रै वितरण गर्ने

स्टयाण्डर्ड चार्टर्ड बैंकले गत आर्थिक वर्ष २०७९।८० को मुनाफाबाट नगद लाभांश मात्र वितरण गर्ने भएको छ ।

बैंकको कार्तिक १३ गते सोमबार ३ः१५ बजे बसेको सञ्चालक समितिको बैठकले चुक्ता पुँजीको १९ प्रतिशतका दरले नगद लाभांश वितरण गर्ने निर्णय गरेको हो । हाल चार्टर्डको चुक्ता पुँजी ९ अर्ब ४२ करोड ९४ लाख ५४ हजार रुपैयाा रहेको छ। यसअनुसार बैंकले कर सहित १ अर्ब ७९ करोड १५ लाख ९६ हजार रुपैयाँ बराबरको नगद लाभांश वितरण गर्नेछ ।

सञ्चालक समितिको बैठकबाट प्रस्तावित नगद लाभांश नियामक नेपाल राष्ट्र बैंकको स्वीकृती तथा बैंकको आगामी वार्षिक साधारण सभाले अनुमोदन गरे पछि मात्र सेयरधनीले प्राप्त गर्नेछन् ।

अघिल्लो आर्थिक वर्ष २०७८।७९ बाट बैंकले चुक्ता पुँजीको कर सहित १६.५१ प्रतिशतका दरले नगद लाभांश वितरण गरेको थियो । अघिल्लो आवको तुलनामा गत आवबाट प्रस्तावित लाभांश २.४९ प्रतिशत बिन्दु बढी हो ।

चार्टर्डले यसअघि आव २०७८/७९, आव २०७५/७६, आव २०७४/७५ र आव २०६७/७८ बाट नगद लाभांश मात्र वितरण गरेको इतिहास छ ।

यस्तो छ स्टयाण्डर्ड चार्टर्ड बैंकको लाभांश इतिहास:

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।