नेपालमा पहिलो पटक आयोजना हुन लागेको विश्व बैंक समूहअन्तर्गतको अन्तर्राष्ट्रिय विकास संघ (आइडिए) २१ मा सहभागि हुनका लागि विश्व बैंकका वरिष्ठ प्रबन्ध निर्देशक एक्सेल भान ट्रोसेनबर्ग नेपाल आईपुगेका छन् । सम्मेलनको अध्यक्षता गर्न उनी सोमबार नेपाल आईपुगेका हुन् ।
विश्व बैंकका अनुसार वरिष्ठ प्रबन्ध निर्देशक ट्रोसेनबर्गले सरकार र अन्य सरोकारवालाहरूसँग पनि भेट गर्नेछन् । उनी पहिलो पटक नेपालको ५ दिने औपचारिक भ्रमणमा आएका हुन् ।
आफ्नो पाँच दिने भ्रमणका क्रममा ट्रोसेनबर्गले प्रधानमन्त्री पुष्पकमल दाहाल, अर्थमन्त्री वर्षमान पुन, मुख्य सचिव वैकुण्ठ अर्यालका साथै विकास साझेदारहरुसँग भेट गर्ने कार्यक्रम रहेको छ ।
ट्रोसेनबर्गले वाग्मती प्रान्तको रबियोपीमा आईडिएको सहयोगमा पुनरनिर्माण भएका भूकम्प आवास पुनर्निर्माण परियोजनाको पनि भ्रमण गर्ने विश्व बैंकले जनाएको छ ।
विश्व बैंकको हालसम्मकै ठूलो बैठक नेपालमा, विश्व बैंकका ६० साझेदार र ९० देशका प्रतिनिधि सहभागी हुने
? समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
About Us
प्रतिक्रिया