सहुलियत ब्याजदरमा साढे चौध हजारलाई २५ अर्ब ३१ करोड कर्जा प्रबाह

चालु आर्थिक वर्षको तेस्रो त्रैमाससम्ममा बैंकहरुले कुल २५ अर्ब ३१ करोड ९५ लाख रुपैयाँ सहुलियत ब्याजदरको कर्जा प्रबाह गरेका छन् ।

सरकारले विभिन्न ७ शिर्षकमा सो कर्जा दिने भएपनि सहुलियत ब्याजदर प्रदान गरिएको कुल कर्जामध्ये २५ अर्ब १८ करोड रुपैयाँ कृषि तथा पशुपन्छीमा मात्र प्रबाह भएको छ ।

सरकारले ब्यावसायिक कृषि तथा पशुपन्छी कर्जा, शिक्षित युवा स्वरोजगार कर्जा, विदेशबाट फर्केका युवा परियोजना कर्जा, महिला उद्यमशील कर्जा, दलित समुदाय व्यवसाय विकास कर्जा, उच्च र प्राविधिक तथा व्यावसायिक शिक्षा कर्जा, भुकम्प पीडितहरूको निजी आवास निर्माणका लागि सहुलियतपुर्ण कर्जा उपलब्ध गराउदै आएको छ । सहुलियत ब्याजदरको कुल कर्जामा ९९ प्रतिशत भन्दा धेरै व्यवसायिक कृषि तथा पशुपन्छीमा प्रबाह भएको हो ।

२०७५ चैत मसान्तसम्ममा नेपाल सरकारबाट ब्याज अनुदानमा प्रवाह गरिने व्यावसायिक कृषि तथा पशुपंक्षी कर्जा १४ हजार ६ सय ३९ जनाले उपयोग गरेका छन् ।

सरकारले सहुलियत पुर्ण कर्जाका लागि ब्याज अनुदान सम्बन्धि कार्य्विधि २०७५ लागु गरी बैंक वित्तीय संस्थाले सहुलियतपुर्ण कर्जा लिन सकिने व्यस्था गरेको छ । बैंकहरुले यस्तो कर्जा प्रबाह गर्दा ऋणीवाट आधार दरमा २ प्रतिशत थपेर लिन पाउछन ।

तर, कर्जाको प्रक्रियागत अन्य शूल्कहरु भने लिन नपाउने व्यवस्था कार्य्विधिले गरेको छ । बैंकहरुले सहुलियत कर्जा प्रबाह गर्दा ब्यासायीक कृषि तथा पशुपन्छि कर्जा ५ करोड रुपैयाँ सम्म दिन सक्ने व्यवस्था गरेको छ । सरकारले विना धितोकर्जाका ऋणीलाइ ५ प्रतिशत ब्याज अनुदान दिनेछ । तर, सरकारले महिला उद्यमशीलता कर्जामा भने ६ प्रतिशत ब्याज अनुदान दिन्छ ।

त्यसैगरी प्राथमिकता प्राप्त क्षेत्रतर्फ कर्जा लगानी प्रवद्र्धन गर्न तथा निर्यात विस्तारमा समेत सहयोग पु¥याउने उद्देश्यले यस बैंकबाट सहुलियत दरमा प्रदान गरिने पुनरकर्जाको उपयोग समीक्षा अवधिमा बढेको छ । २०७५ चैत मसान्तमा २३ अर्ब ६ करोड पुनरकर्जा लगानीमा रहेको केन्द्रीय बैंकले जनाएको छ ।