तने बोडिको आयात दोब्बरले घट्दा भाउ दुई दिनमा प्रतिकिलो ९० रुपैयाँसम्म बढ्यो

कालिमाटी तरकारी तथा फलफूल बजारमा एक साताबाट अधिकांश तरकारीहरुको भाउ वृद्धि हुन थालेको छ । कालिमाटी बजार विकास समितिका अनुसार बर्खा सुरु भएसँगै तरकारीको भाउ वृद्धि हुन थालेको हो ।

निरन्तर पानि परिरहँदा ढुवानीमा समस्या भएकोले आयात घटेसँगै मूल्यमा वृद्धि भएको कालिमाटी बजार विकास समितीका सूचना अधिकारी विनय श्रेष्ठले बताए ।

प्रायः सबै तरकारी भाउ बढेर नै आएको र त्यसमा पनि तने बोडिको मूल्य दोब्बर बढीले वृद्धि भएको उनी बताउँछन् । असार २४ गते ५५ रुपैयाँमा कारोबार भइरहेको बोडिको औसत मूल्य अहिले प्रतिकिलो १४५ रुपैयाँमा कारोबार भइरहेको छ ।

दुई दिन अघिसम्म औसतमा ४\५ हजार किलो तने बोडि आयात हुने गरेकोमा अहिले २ हजार किलो मात्र आउने गरेको उनले बताए । यसरी समग्र तरकारीहरुको पनि भाउ आयात घटिरहेकोले भाउ वृद्धि भइरहेको श्रेष्ठ बताउँछन् ।

आज तने बोडि १४० देखि १५० रुपैयाँसम्म कारोबार भइरहेको छ भने मकै बोडि १३० देखि १४० रुपैयाँसम्म कारोबार भइरहेकोतजे बोडि १४० देखि १५० रुपैयाँसम्म कारोबार भइरहेको छ भने मकै बोडि १३० देखि १४० रुपैयाँसम्म कारोबार भइरहेक छ ।

यस्तै आज घिउ सिमि (लोकल) २०० देखि २२० रुपैयाँ, तिते करेला १०० देखि ११० रुपैयाँ, परबल (लोकल) १०० देखि ११० रुपैयाँसम्म कारोबार भइरहेको छ ।

बिहीबार कुन तरकारीको भाउ कति ?

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।