काठमाडौं। नेपाली सेनाको प्राड\प्राविधिक\हवाई एवम् विविध सेवातर्फका अधिकृत पदमा भर्ना खुलेको छ ।
नेपाली सेना भर्ना छनौट निर्देशनालय जंगीअड्डाका अनुसार प्राड उपसेनानी, डाक्टर, पाइलट, समाचार सम्पादकदेखि लेखा उपसेनानीसम्मका २१ सिटका लागि भर्ना खुलेको हो ।
दरखास्त दिने म्याद कात्तिक ३० गतेदेखि मंसिर २९ गतेसम्म छ । दोब्बर दस्तुर बुझाएर मंसिर ३० देखि पुस ६ गतेसम्म पनि दरखास्त दिन सकिने छ ।
योग्यता पूगेका नेपाली नागरिकले नेपाली सेनाको आधिकारिक वेबसाईट www.nepalarmy.mil.np बाट अनलाईन दरखास्त फाराम भरी दरखास्त पेश गर्न सक्ने छन् । सबै पदका उम्मेदवारहरू १८ वर्ष उमेर पुरा भई २९ वर्ष ननाघेको हुनु पर्दछ । महिलाको हकमा भने १८ वर्ष उमेर पुरा भई ३० वर्ष ननाघेको हुनु पर्दछ ।
दरखास्त बुझाउँदा सबै पदका लागि एक हजार रुपैयाँको बैंक भौचर बुझाउनुपर्ने छ ।
About Us
प्रतिक्रिया