विद्युत प्राधिकरणले माग्यो १ हजार ३३ जना कर्मचारी

नेपाल विद्युत प्राधिकरणले एकैपटक १०३३ जना कर्मचारी मागेको छ । शुक्रबार प्राधिकरणले एक विज्ञापन जारी गर्दै अधिकृत र सहायकस्तर गरी कुल एक हजार ३३ जनाका लागि दरखास्त आह्वान गरेको हो ।

प्राधिकरणले अधिकृतस्तरमा सबैभन्दा बढी अर्थात् ६२ जना तह ७ इलेक्ट्रिकल इन्जिनियर मागेको छ। त्यस्तै, प्रशासनतर्फ तह ७ प्रशासकीय अधिकृमा ३८ जनाको प्राधिकरणद्वारा माग गरिएको छ ।

प्राधिकरणले विभिन्न समूहका तह ७ देखि १० सम्मका अधिकृतस्तरमा १९५ जना र विभिन्न समूहका ५ तह सहायकस्तरमा ८३८ जना खुलारसमावेशी प्रतिष्पर्धाबाट स्थायी नियुक्त गर्ने जनाएको छ। इलेक्ट्रिकल इन्जिनियरिङमा स्नातक तह उत्तिर्णले यसमा दरखास्त दिन सक्नेछन् । भने प्रशासनतर्फका लागि भने जुनसुकै विषयमा पनि स्नातकोत्तर उत्तिर्णले दरखास्त दिन सक्नेछन् ।

प्राधिकरणले आवेदन दिनका लागि अधिकृतस्तर तह ८ वा सोभन्दा माथिका पदका लागि दरखास्त दिने अन्तिम मितिसम्म्मा २१ वर्ष पूरा भएर ४० वर्ष ननाघेको हुनुपर्छ । साथै, तह ७ को पदमा २१ वर्ष पूरा भई ३५ वर्ष ननाघेको हुनुपर्ने छ । तर, महिला र अपाङ्गता भएका उम्मेदवारको हकमा ४० वर्ष ननाघेको हुनुपर्नेछ । सहायक स्तर तह ५ का पदमा १८ वर्ष पूरा भई ३५ ननाघेको हुनुपर्नेछ । महिला र अपाङ्गता भएका उम्मेदवारको हकमा ४० वर्ष ननाघेको हुनुपर्ने छ । प्राधिकरणमा कार्यरत स्थायी कर्मचारीलाई भने उमेरको हद नलाग्ने बताइएको छ । प्राधिकरणले कोशी प्रदेशमा १२, मधेशमा १६, गण्डकीमा ५, कर्णालीमा ३ र सुदूपश्चिममा ५ जना माग गरिएको छ ।

त्यस्तै, तह ५ लेखापाल ३९ जना मागिएको छ । कोशीमा ७, मधेशमा १३, लुम्बिनीमा ८ र सुदूरपश्चिममा ६ जना लेखापाल माग गरिएको हो । लेखापालाको न्यूनतम योग्यता वाणिज्य शाष्त्र वा व्यापार प्रशासन लिई प्रविणता प्रमाणपत्र तह वा १२ कक्षा उतीर्ण तोकिएको छ । तह ५ इलेक्ट्रिकल सुपरभाइजरतर्फ ७४० जना माग गरिएको छ । कोशी प्रदेशमा १४०, मधेशमा ९५, बागमतीमा १२०, गण्डकीमा ८४, लुम्बिनीमा १४०, कर्णालीमा ७० र सुदूरपश्चिममा ९१ जना माग गरिएको हो । यसका पदका लागि न्यूनतम योग्यता इलेक्ट्रिकल इन्जिनियरिङमा प्रवीणता प्रमाणपत्र तह वा डिप्लोमा उत्तीर्ण वा प्राविधिक शिक्षा तथा व्यवसायिक तालिम परिषद्बाट प्रदान गरिएको सम्बन्धित विषयमा तह तीनको सीप परीक्षा उतीर्ण भएको हुनुपर्ने  छ । इच्छुक आवेदकले पुस २५ गतेसम्म आवेदन दिन सक्ने छन् दोब्बर दस्तुर तिरी माघ ३ गतेसम्म आवेदन दिन सकिने छ । सम्पूर्ण परिक्षा लोकसेवा आयोगबाट सञ्चालन हुनेछ ।