प्राइम लाइफ इन्स्योरेन्स (PLIC) ले गत आर्थिक वर्ष २०७६/७७ को अन्तिम त्रैमाससम्ममा ३ अर्ब २६ करोड २५ लाख ९८ हजार रुपैयाँ खुद बीमाशुल्क आर्जन गरेको छ । यो गत आर्थिक वर्षको यसै अवधीको तुलनामा ३९ करोड ५१ लाख ९५ हजार रुपैयाँले बढी हो ।
गत आर्थिक वर्षको तेस्रो त्रैमासमा कम्पनीले २ अर्ब ८६ करोड ७४ लाख ३ हजार रुपैयाँ खदु बीमाशुल्क आर्जन गरेको थियो ।
यस्तै कम्पनीले लगानी कर्जा तथा अन्य आयबाट ९१ करोड २ लाख ३१ रुपैयाँ र बीमालेख धितोमा कर्जामा १ अर्ब १९ करोड ६३ लाख रुपैयाँ लगानी गरी १० करोड ७८ लाख ५ हजार रुपैयाँ आम्दानी गरेको छ ।
यस्तै कम्पनीको खुद बीमाशुल्क र अन्य आम्दानी बढेपनि नाफा भने घटेको छ। कम्पनीको नोक्सानीका लागि व्यवस्थामा नै ३ करोड बढी तथा व्यवस्थापकीय र अन्य खर्चमा आएको वृद्धिले नाफामा असर पुगेको हो।
गत आर्थिक वर्षको तुलनामा कम्पनीको खुद नाफा १ करोड ४५ रुपैयाँले घटेर २९ करोड ८५ लाख ६४ हजार रुपैयाँमा संकुचित बनेको छ । गत आर्थिक वर्षको चौथोे त्रैमाससम्ममा कम्पनीले ३१ करोड ३० लाख ९७ हजार रुपैयाँ खुद नाफा आर्जन गरेको थियो ।
जीवन बीमा कम्पनीहरुको हकमा नाफाको निर्धारण लेखा परिक्षणको क्रममा हुने बीमाङ्कीय मूल्याङ्कनको क्रममा हुने गर्दछ । बीमांकीय मूल्याङकनपछि मात्र वास्तविक खुद नाफा निर्धारण हुनेछ । बीमाङ्कीय मूल्याङ्कनको क्रममा कम जोखिम देखिए नाफा बढ्नेछ भने बढी जोखिम देखिए नाफा अझै घट्न सक्ने हुन्छ ।
चुक्ता पूँजी २ अर्ब २५ करोड ८९ लाख ३२ हजार रुपैयाँ रहेको इन्स्योरेन्सको प्रतिशेयर आम्दानी वर्षिक १३ रुपैयाँ २२ पैसा, प्रतिशेयर नेटवर्थ १४५. ५६ रुपैयाँ र मूल्य आम्दानी अनुपात ४०.१८ गुणा रहेको छ ।
समीक्षा अवधिमा कम्पनीको जगेडा कोषको आकार भने ३५ करोड ५६ लाख २३ हजार रुपैयाँले घटेर ८८ करोड ९८ लाख २३ हजार रुपैयाँ सञ्चित छ । कम्पनीले १२.२५ प्रतिशत बोनस वितरण गरेपछि जगेडा कोषको आकार घटेको हो।
त्यसैगरी, इन्स्योरेन्सको जीवन बीमा कोषमा ११ अर्ब ४७ करोड ६६ लाख रुपैयाँ र महाविपत्ती कोषमा १३ करोड ९४ लाख रुपैयाँ सञ्चित छ। अघिल्लो आवको यसै अवधिमा कम्पनीको जीवन बीमा कोषमा ८ अर्ब ९० करोड ५१ लाख रुपैयाँ र महाविपत्ती कोषमा १२ करोड ३५ लाख रुपैयाँ रहेको थियो।
| Particulars | Prime Life Insurance ( Rs in ‘000) | ||
| FY 2076/77 Q4 |
FY 2075/76 Q4 |
Difference | |
| Paid Up Capital | 2,258,932.00 | 1,784,835.00 | 26.56% |
| Reserve and Surplus | 889,823.00 | 1,245,446.00 | -28.55% |
| Life Insurance Fund | 11,476,651.00 | 8,904,146.00 | 28.89% |
| Contingent Fund | 139,410.00 | 123,571.00 | 12.82% |
| Net Premium | 3,262,598.00 | 2,867,403.00 | 13.78% |
| Income from Investment, Loan and others | 910,231.00 | 773,670.00 | 17.65% |
| Claim Payment (Net) | 653,207.00 | 396,870.00 | 64.59% |
| Gross Profit | 190,217.00 | 149,332.00 | 27.38% |
| Net Profit* | 298,564.00 | 313,097.00 | -4.64% |
| No of Policies | 290,538.00 | 355,744.00 | -18.33% |
| EPS (In Rs.) | 13.22 | 17.54 | -24.66% |
| Net Worth per Share (In Rs.) | 145.56 | 176.7 | -17.62% |
| PE Ratio | 40.18 | 25.03 | 60.53% |
गत आर्थिक वर्षको अन्तिम त्रैमाससम्ममा इन्स्योरेन्सले २ हजार ५४९ दाबी बापत ७१ करोड १ लाख २७ हजार रुपैयाँ भुक्तानी गरेको छ भने २८ दाबी बापतको ५५ लाख ४२ हजार रुपैयाँ भुक्तानी गर्न बाँकी रहेको छ ।
गत आवमा इन्स्योरेन्सको कूल बीमाशुल्क आर्जन रकम ३ अर्ब ३० करोड १ लाख ५१ हजार रहेको छ। हालसम्म १८ अर्ब ४४ करोड ८४ लाख ६८ हजार रहेको छ। इन्स्योरेन्सले हालसाँ १७ लाख ८ हजार ७२१ बीमालेख जारी गरेकोमा २ लाख ९० हजार ५३८ बीमालेख कायम रहेको छ।
समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
About Us
प्रतिक्रिया