नेप्सेमा ‘करेक्शन’ आउँदा जलविद्युतका शेयरमा लगानीकर्ताको आकर्षण

नेपाल स्टक एक्सचेञ्ज नेप्से सूचकमा मंगलबार सामान्य करेक्शन आउँदा जलविद्युत कम्पनीका शेयरमा लगानीकर्ताको आकर्षण देखिएको छ ।

बजारले करेक्शनको बाटो लिदैं गर्दा लगानीकर्ता जलविद्युत कम्पनीका शेयरमा सिफ्ट भएका छन् ।

जसले गर्दा मंगलबारको बजारमा धेरै शेयर मूल्य अधिकांस कम्पनीमा जलविद्युतका कम्पनी देखा परेका छन् भने धेरै शेयर किनबेच हुने अधिकांस कम्पनीमा पनि जलविद्युत कम्पनीहरु परेका छन् ।

यसदिन कारोबारमा आएका १२ उपसमूहमध्ये जलविद्युत र म्युचुअल फण्डको सूचक मात्र बढेको छ । जलविद्युतको सूचक ४.८१ अंकले बढेको छ । म्युचल फण्ड सामान्य बढ्दा अन्य बाँकी सबै उपसमूहका सूचक राताम्मे रहे ।

मंगलबार नेप्से सूचक ९.०४ अंकले घटेर १ हजार ९५ दशमलव ३५ बिन्दुमा बन्द भएको छ। यसदिन २०२ कम्पनीको एक करोड २५ लाख ६६ हजार कित्ता शेयर ५ अर्ब ७१ करोड ९४ हजार रुपैयाँमा खरिद बिक्री भएको छ।

यसदिन धेरै शेयरमूल्य बढ्ने कम्पनीमा जलविद्युत कम्पनीहरु रहेका छन् । उच्चदरले मूल्य बढ्ने दश कम्पनीको सूचीमा ७ वटा जलविद्युत कम्पनीहरु नै रहेका छन् ।

TOP GAINERS 

कारोबार भएको शेयर संख्याको हिसाबले पनि जलविद्युत कम्पनीका शेयरहरु धेरै किनबेच भएका छन् । ग्लोबल आईएमई बैंकको संस्थापक शेयरपछि यसदिन अरुण भ्याली हाइड्रोको सबैभन्दा धेरै ३ लाख ९० हजार कित्ता शेयर किनबेच भएको छ । एचआईडिसिएल, अपर, रिडी, अपि लगायतको धेरै संख्यामा शेयर किनबेच भएको छ।

यसदिन सबैभन्दा धेरै नेपाल पुर्नरबीमा कम्पनीको ४५ करोड ८१ लाख बराबरको शेयर किनबेच भयो । नेपाल लाइफको ३० करोड, टेलिकमको २५, शिभ्म सिमेन्टको १६ करोड बराबरको कारोबार भएको बजारमा अपर तामाकोशीको १५ करोड तथा चिलमीमेको १४ करोड बढीको कारोबार भयो ।

यसदिन सबैभन्दा धेरै एभरेष्ट इन्स्योरेन्सको संस्थापक शेयरको मूल्य घट्यो । त्यस्तै युनिलिभर, विशाल बजार कम्पनी लगायतको शेयरमूल्य घटेको छ ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।