नेपाल बैंकको अगुवाईमा १६० मेगावाटको लाप्चे खोलामा ९ संस्थाले १९ अर्ब ६५ करोड लगानी गर्ने

नेपालमा निजिक्षेत्रको लगानीबाट निर्माण हुन लागेको देशकै ठूलो १६० मेगावाटको लाप्चे खोला जलबिद्युत आयोजनाको लागी आबश्यक पर्ने बित्तिय श्रोत जुटेको छ।

उक्त आयोजनमा नेपाल बैंकको अगुवाईमा ९ वटा बैंक तथा बित्तिय संस्थाहरुको सहवित्तीयकरणद्वारा १९ अर्ब ६५ करोड भन्दा बढी लगानी गर्ने सम्झौता भएको हो ।

पुस ६ गते सोमबार लगानी सम्बन्धी सम्झौता ऋणिका तर्फबाट नाशा हाईड्रोपावर प्रा.लि.का अध्यक्ष मोतिलाल दुगड तथा बैंकहरुका तर्फबाट नेपाल बैंकका प्रमुख कार्यकारी अधिकृत कृष्ण बहादुर अधिकारीले आदनप्रदान गरेका हुन ।

प्रतिष्ठित ब्यापारिक घराना एम. भि. दुगड ग्रुपको मुख्य लगानी रहेको श्री नाशा हाईड्रोपावर प्रा.लि.ले प्रवद्र्धन गर्न लागेको उक्त जल बिद्युत आयोजना दोलखा जिल्लाको बिगु गाउँपालिका स्थित लाप्चे खोलामा निर्माण हुनेछ । उक्त आयोजनाको लागत अनुमान २६ अर्ब २० करोड छ ।

उक्त आयोजनामा नेपाल बैंकले ५ अर्ब, नेपाल ईन्भेष्टमेण्ट बैंकले ३ अर्ब ५० करोड, कर्मचारी संचयकोषले २ अर्ब, राष्ट्रिय बाणिज्य बैंकले २ अर्ब, हिमालयन बैंकले २ अर्ब, लक्ष्मी बैंकले १ अर्ब ८८ करोड २५ लाख, नेपाल एसबिआई बैंकले १ अर्ब, बैंक अफ काठमाण्डौले १ अर्ब तथा कृषि बिकास बैंकले १ अर्ब गरी जम्मा १९ अर्ब ६५ करोड २५ लाखको बित्तिय प्रबन्ध गरिएको हो ।

उक्त आयोजनाले २०७९ श्रावणसम्ममा ब्यापारिक उत्पादन सुुरु गर्ने लक्ष्य लिएको छ ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।