नेप्से ऐतिहासिक उचाइमा, महिना दिनमै तोडियो रेकर्ड

शेयर कारोबार मापक सूचक नेप्से हालसम्मकै उच्च विन्दुमा पुगेको छ । बिहीबार नेप्से सूचक २०८७ विन्दुमा उक्लिएपछि नयाँ किर्तिमान कायम भएको हो।

एक महिना अगाडि गत मंसिर १७ गते नेप्से सूचक २०७१ अंकमा पुगेको थियो । त्यसपछि केहि करेक्शन आएको बजार पुन: उकालो लाग्दै नयाँ उचाइमा पुगेको हो ।

यसदिन नेप्से सूचक २५.२१ अंकले बढेर २०८७.२७ विन्दुमा पुगेको हो । २०७ कम्पनीको कारोबार भएको बजारमा १ करोड १४ लाख कित्ता शेयर ५ अर्ब ७० करोड बराबरमा किनबेच भएका छन् । यसदिन कारोबारमा आएका र्निजीवन बीमा समूह बाहेकका सबै सूचक उकालो लागेका छन् ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।