ग्यालेक्सी अनप्याक्डमार्फत नवीनतम प्रविधिको अनावरण २५ फेब्रुअरी २०२६ मा प्रत्यक्ष प्रसारण हुने

काठमाडौँ । सामसङले आफ्नो ग्यालेक्सी शृंखलाअन्तर्गतको नवीनतम प्रविधि सार्वजनिक गर्ने तयारीस्वरूप बहुप्रतीक्षित “ग्यालेक्सी अनप्याक्ड” कार्यक्रम आयोजना गर्ने भएको छ। उक्त कार्यक्रम २५ फेब्रुअरी २०२६ मा राति ११४५ बजे विश्वव्यापी प्रत्यक्ष प्रसारणमार्फत अवलोकन गर्न सकिनेछ।

सामसङका अनुसार कार्यक्रममा मोबाइल प्रविधिका क्षेत्रमा भएका पछिल्ला उपलब्धि तथा नवप्रवर्तनहरूको प्रस्तुति गरिनेछ। प्रयोगकर्ताको दैनिक जीवनलाई अझ सहज, छरितो र प्रभावकारी बनाउने उद्देश्यले कृत्रिम बुद्धिमत्ता–समर्थित सुविधासहितका स्मार्ट अनुभवहरू सार्वजनिक गरिने कम्पनीले जनाएको छ।

ग्यालेक्सी अनप्याक्ड कार्यक्रमलाई सामसङले सधैं नवीनतम आविष्कारको मञ्चका रूपमा प्रस्तुत गर्दै आएको छ। यस वर्ष पनि आकर्षक तथा आधुनिक डिजाइन, शक्तिशाली कार्यसम्पादन क्षमता र स्मार्ट पारिस्थितिक प्रणालीबीचको समन्वयमार्फत प्रविधिमा नयाँ मापदण्ड स्थापित गर्ने प्रतिबद्धता कम्पनीले व्यक्त गरेको छ।

आगामी सार्वजनिककरणबारे टिप्पणी गर्दै सामसङ मोबाइल अनुभव विभागका निर्देशक प्रणय रत्न स्थापितले भने, “ग्यालेक्सी अनप्याक्ड हाम्रो अर्थपूर्ण नवप्रवर्तनप्रतिको प्रतिबद्धताको प्रतीक हो। हामी यस्ता प्रविधि सार्वजनिक गर्न उत्साहित छौं, जसले केवल उच्च कार्यक्षमता मात्र प्रदान गर्दैन, प्रयोगकर्ताको आवश्यकताअनुसार बुद्धिमानीपूर्वक अनुकूलन भई उनीहरूको अनुभवलाई अझ सहज, जोडिएको र व्यक्तिगत बनाउँछ।”

उक्त प्रत्यक्ष प्रसारण कार्यक्रम नेपालभरका दर्शकहरूले सहजै अवलोकन गर्न सक्नेछन्। यसमार्फत दर्शकहरूले ग्यालेक्सी प्रविधिको भविष्य प्रत्यक्ष रूपमा हेर्ने अवसर प्राप्त गर्नेछन्।