गत फागुन ९ गते शेयर बजार परिसूचक नेप्से २६४०.३५ विन्दुमा पुगेर नयाँ रेकर्ड कायम गर्यो । नेप्सेले ऐतिहासिक रेकर्ड कायम गरेको उक्त दिनदेखि चैत १२ गतेसम्म आइपुग्दा नेप्सेसँगै बैंकिङ्ग समूहमा फेरबदल देखिएको छ ।
फागुन ९ देखि चैत १२ गतेसम्म २२ दिनको कारोबारमा समग्रमा बैकिङ्ग सूचकमा ८.६० प्रतिशतको गिरावट देखिएको छ । यसबीचमा नेप्से सूचक २५१.१६ अंक तल झरेर २३८९.१९ विन्दुसम्म झरेको थियो । त्यसपछि बजारमा सुधारको आँउदा चैत १२ सम्म नेप्से सूचक हालसम्मको उच्च विन्दु भन्दा ९१.३९ विन्दु तल अर्थात २५४८.९६ विन्दुमा रहेको छ ।
पछिल्ला २२ कारोबार दिनमा नेप्से सूचक १० दिन बढेको छ भने १२ दिन ओरालो लागेको छ । सबैभन्दा धेरै बढेको दिन ९०.६७ अंकसम्म बढ्दा धेरै घट्दा ७९.७४ अंकसम्म घटेको छ । यस्तै सबैभन्दा कम घटेको दिन ३.३९ अंक ओरालो लाग्दा २.५५ अंक उकालो लागेको छ ।
उच्च विन्दुपछि हालसम्म आइपुग्दा नेपाल बंगलादेश बाहेक सबै वाणिज्य बैंकको शेयर मूल्य घटेको छ। बंगालदेश बैंकको यसअवधिमा १२.९२ प्रतिशतले शेयर मूल्य बढेको छ । पछिल्लो चरणमा नबिलसँग मर्जरको हल्ला चालएपछि यो बैंकको शेयर मूल्य उकालो लागेको हो । अन्य सबै बैंकको मूल्य घटेको छ । सबैभन्दा धेरै सेञ्चुरी बैंकको शेयर मूल्य १५.१७ प्रतिशतले घटेको छ । त्यसपछि क्रमश हिमालयन बैंक, सिभिल बैंक, एभरेष्ट बैंक र एनएमबि बैंकको मूल्य झरेको छ । यी बैंकहरुको शेयर मूल्यमा दोहोरो अंकको गिरावट आएको छ ।
SYMBOL | 2/21/2021 | 3/25/2021 | CHANGE | |
NBB | 325 | 367 | 12.92% | |
NCCB | 332 | 325 | -2.11% | |
NBL | 460 | 432 | -6.09% | |
SBL | 429 | 401 | -6.53% | |
KBL | 322 | 300 | -6.83% | |
BOKL | 324 | 301 | -7.10% | |
CZBIL | 327 | 303 | -7.34% | |
LBL | 310 | 287 | -7.42% | |
MEGA | 327 | 302 | -7.65% | |
SRBL | 338 | 310 | -8.28% | |
SANIMA | 393 | 360 | -8.40% | |
SCB | 652 | 596 | -8.59% | |
NICA | 955 | 872 | -8.69% | |
MBL | 331 | 302 | -8.76% | |
ADBL | 473 | 431 | -8.88% | |
NIB | 504 | 459 | -8.93% | |
SBI | 450 | 409 | -9.11% | |
PRVU | 482 | 438 | -9.13% | |
NABIL | 1355 | 1227 | -9.45% | |
PCBL | 480 | 433 | -9.79% | |
GBIME | 475 | 428 | -9.89% | |
NMB | 473 | 421 | -10.99% | |
EBL | 834 | 735 | -11.87% | |
CBL | 263 | 231 | -12.17% | |
HBL | 568 | 498 | -12.32% | |
CCBL | 290 | 246 | -15.17% |
सबैभन्दा कम एनसिसि बैंकको शेयर मूल्य २.११ प्रतिशतले घटेको छ । कम शेयर मूल्य घट्नेमा नेपाल बैंक, सिद्धार्थ तथा कुमारी बैंक लगायत रहेका छन् । एक बाहेक सबै वाणिज्य बैंकहरुको मूल्य घट्दा बैंकिङ्ग समूहको सूचक १६६.०४ अंकले झरेको छ । गत फागुन ९ गते १९२९.५४ अंकमा रहेको बैंकिङ्ग समूहको सूचक चैत १२ गतेसम्म आइपुग्दा १७६३.५० विन्दुमा झरेको छ ।
? समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
प्रतिक्रिया