साहस उर्जा र तेह्रथुम पावरको धितोपत्रको दोस्रो बजारमा कारोबार सुरु

साहस उर्जा र तेह्रथुम पावर कम्पनीको आइतबारदेखि नेपाल स्टक एक्सचेञ्ज (नेप्से) मा शेयर कारोबार सुरु भएको छ ।

साहस उर्जाको शेयर एसएएचएएस (SAHAS) र तेह्रथुम पावर कम्पनीको शेयर टिपीसी (TPC) कारोबार संकेतमा कारोबारमा आएको हो ।

आइतबारेका स्पेशल प्रि ओपनिङ्ग सेसनमा साहस उर्जाको प्रतिकित्ता ४०५.३० रुपैयाँ र तेह्रथुम पावरको प्रतिकित्ता २५४.२० रुपैयाँमा पहिलो कारोबार भएको हो । दुबै कम्पनीको शेयर नेप्सेले प्रदान गरेको अधिकतम कारोबार रेञ्जमा कारोबार भएको हो ।

नेप्सेले साहस उर्जालाई प्रतिकित्ता न्यूनतम १३५.११ रुपैयाँ देखि ४०५.३३ रुपैयाँ सम्म र तेह्रथुम पावर कम्पनीलाई न्यूनतम ८४.७४ देखि २५४.२२ रुपैयाँसम्मको ओपनिङ्ग रेञ्ज प्रदान गरेको थियो ।

यससँगै आजदेखि दुबै कम्पनीको शेयर नियमित कारोबारमा आउनेछ । दोस्रो बजारमा कारोबारका लागि दुबै कम्पनीले गत बिहीबार नेप्सेमा शेयर सूचीकृत गरेका थिए ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।