“नबिल ब्यालेन्सड फण्ड ३” को इकाई सूचीकृत, भोलिदेखि दोस्रो बजारमा कारोबार खुल्ने

नबिल म्यूचुअल फण्ड अन्तर्गत बिक्रीमा आएको “नबिल ब्यालेन्स्ड फण्ड ३” को इकाई नेपाल स्टक एक्सचेञ्ज (नेप्से) मा सूचीकृत भएको छ ।

भदौ २५ गतेदेखि २९ गते मंगलबारसम्म बिक्रीमा आएको बन्दमुखी म्युचुअल फण्डको इकाई बुधबार नेप्सेमा सूचीकृत भएको हो ।

इकाई सूचीकृत भएसँगै इकाईमा लगानी गरेकाले बिहीबारदेखि धितोपत्रको दोस्रो बजारमा खरीद बिक्री गर्न सक्नेछन् ।

नेप्सेले फण्डको दोस्रो बजारमा कारोबारका लागि एनबिएफ ३ कारोबार संकेत प्रदान गरेको छ । बिहीबारदेखि फण्डको इकाई यसै कारोबार संकेतमा हुनेछ । फण्डको प्रतिइकाई मूल्य दश रुपैयाँमा कारोबार सुरु हुनेछ ।

फण्डको सर्वसाधारणमा यही प्रति इकाइ १० रुपैयाँ अंकित दरका १० करोड इकाई बिक्री खुल्ला गरिएको थियो । तर फण्ड खरीदका लागि मागभन्दा उच्च आवेदन परेपछि २५ प्रतिशतले फण्डको आकार वृद्धि गरी बाँडफाँड गरिएको थियो ।

दश वर्ष अवधिको बन्दमुखी योजनाको कोष प्रवर्दकमा नबिल बैंक र योजना व्यवस्थापकमा नबिल इन्भेष्टमेन्ट बैंकिङ्ग लिमिटेड रहेको छ ।

नबिल बैंकको पूर्ण स्वामित्व भएको सहायक कम्पनी नबिल इन्भेष्टमेन्टले हाल कम्पनीले नबिल ब्यालेन्स फण्ड र नबिल इक्विटी फण्ड सञ्चालन गरिरहेको छ । नबिल इन्भेष्टमेन्टको व्यवस्थापनमा सञ्चालन हुने यो तेस्रो योजना हो ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।