मेरो माइक्रोफाइनान्सको साधारण सभा मंसिर २४ गते

मेरो माइक्रोफाइनान्स लघुवित्त वित्तीय संस्था लिमिटेड (MERO) ले मंसिर २४ गते, शुक्रबार, होटल वाटर टावर, विदुर, नुवाकोटमा बिहान ११ः३० बजे नवौं वार्षिक साधारण सभा आह्वान गरेको छ ।

गत आर्थिक वर्षको मुनाफाबाट शेयरधनीहरुलाई वितरण गर्ने लाभांश प्रस्ताव अनुमोदनका साथै अन्य प्रस्तावहरु राखेर लघुवित्तले साधारण सभा डाकेको हो ।

सभाले सञ्चालक समितिले प्रस्ताव गरे अनुरुप चुक्ता पूँजीको २० प्रतिशत बोनस शेयर र सोको कर प्रयोजनार्थ १.०५ प्रतिशत नगद लाभांश गरी कूल २१.०५ प्रतिशत लाभांश वितरण गर्ने विशेष प्रस्ताव अनुमोलदन गर्नेछ ।

यस्तै नवौं वार्षिक साधारण सभाबाट मेरो माइक्रोफाइनान्स लघुवित्त र अन्य लघुवित्तलाई मर्ज वा एक्वायर गर्ने सम्बन्धि सम्पूर्ण कार्य गर्न सञ्चालक समितिलाई अख्तियारी दिने, लेखापरीक्षक नियुक्त गर्ने लगायतका प्रस्तावहरु पनि पारित गर्नेछ ।

साधारण सभा तथा लाभांश वितरण प्रयोजनार्थ लघुवित्तले मंसिर ९ गतेदेखि २४ गतेसम्म शेयर दाखिल खारेजी (बुकक्लोज) मिति तोकेको छ । यस अनुसार मंसिर ८ गतेसम्म नेप्सेमा शेयर कारोबार भइ कायम शेयरधनीहरुले मात्र लघुवित्तको साधारण सभामा सहभागिता जनाउन तथा लाभांश प्राप्त गर्न सक्नेछन् ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।