बेलायतले गोल्डेन भिसा खारेज गर्दै

बेलायतले अन्तराष्ट्रिय करोडपति लगानीकर्ताहरुलाई उपल्ब्ध गराउने गोल्डेन भिसा खारेज गर्ने प्रक्रिया अगाडि सारेको छ ।

बेलायती गृह सचिव प्रिती पटेलले अन्तराष्ट्रिय करोडपति लगानीकर्ताहरुलाई दिइदैँ आएको गोल्डेन भिसा प्रयोजनलाई यथाशिघ्र लागु हुने गरी खारेज प्रक्रिया अगाडि बढाउने बताएकी छिन् । यस अघि बेलायतमा २ मिलियन पाउन्ड अर्थात् ३२ करोड २४ लाख लगानी गर्ने लगानीकर्ताहरुलाई सो भिसा दिने व्यवस्था थियो ।

सन् २०१५ देखि २०२० सम्ममा गृह मन्त्रालय र शर्द क्यापिटलले १४०० गोल्डेन भिसा जारी गरेका थिए । त्यसै क्रममा सन् २०२०को संसदीय प्रतिवेदन अनुसार लगानीकर्ताहरुले भिसा व्यवस्थाको दुरुपयोग गरी मनी लौन्ड्रीङ जस्तो अवैध कामहरु गरेको पाइएको छ । जसलाई लन्डन लौन्ड्रोमेट भनेर चिनिने गरिन्छ ।

मुख्यतयाः रुसका लगानीकर्ताहरु मनी लौन्ड्रिङ र फ्रौड जस्ता काममा सामेल भएको पाएपछि अवैधानिक रुसी रुबलको लगानी रोक्न बेलायतले यो नियम अघि सारेको हो ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।