र्‍याप रियालिटी शो ‘नेपहोपको श्रीपेच’ टपिक राउन्डका लागि ४० प्रतिस्पर्धी छानिए

नेपालकै पहिलो आयोजना गरिएको हिपहप र्‍याप गायनमा आधारित रियालिटी शो ‘नेपहोपको श्रीपेच’ मा टपिक राउन्डका लागि ४० प्रतिस्पर्धी छानिएका छन् ।

रियालिटी शोमा सहभागि भएका ८ हजार सहभागिहरुमध्येबाट डिजिटल अडिसन, फिजिकल अडिसन, र जर्ज राउन्ट सकिँदासम्म ४० सहभागि टपिक राउन्डका लागि छनौट भएका हुन् ।

गिरिस खतिवडा, बालेन शाह र मानस घलेको निर्णयक भुमिका रहने उक्त, कार्यक्रममा इजी १२, डिजेन, मिडि, कवी जि र भियोमाले मेन्टरको भुमिका निर्वाह गरिरहेका छन् ।

आठ हजार डिजिटल अडिसनबाट छानिएका ६०० प्रतियोगिहरुलाई देशका पाँच शहरमा भएको फिजिकल अडिसनमा सहभागि गराएर मेन्टहरुको जजमेन्टबाट १२३ प्रतिस्पर्धी छानिएका थिए । छानिएका उत्कृष्ट १२३ प्रतिस्पर्धीहरुबाट जर्ज अडिसन राउन्टको प्रस्तुती मार्फत ४० जना छनौट भएका हुन् ।

अब ४० प्रतिस्पर्धीहरुले जर्जले दिएको टपिक अनुसारको प्रस्तुती दिनेछन् । यसबाट उत्कृष्ट पफर्म गर्ने २० जना छनौट हुनेछन् । टपिक राउन्डबाट उत्कृष्ट प्रस्तुती दिने २० बाट भोटिङ्गद्धारा ब्याटल राउन्डका लागि १२ छनौट हुनेछ । त्यसपछि हप्तामा टप १२ बाट टप १० र टप १० बाट टप ८ छनौट हुनेछन् । उत्कृष्ट ८ मा पर्नेमध्येहरुबाट हरेक हप्ता एक जना प्रतिस्पर्धाबाट (इलिमिनेट) बाहिरिनेछन् ।

नेपहोपको श्रीपेचको उपाधिका लागि उत्कृष्ट चार जना भिड्नेछन् । शोको विजेतालाई १० लाख र दोस्रो हुनेलाई ५ लाख रुपैयाँ नगद पुरस्कार प्रदान गरिने छ । साथै उनीहरुले वल्र्ड टुर पनि गर्न पाउने आयोजकले जनाएको छ ।

आरएनएस क्रियसन आयोजक रहेको उक्त कार्यक्रम इमेज च्यानल एचडी र ओएसआर रियालिटी युट्युव च्यानल मार्फत प्रत्येक मंगलबार र बुधबार राति ८ देखि ९ बजेसम्म हेर्न सकिन्छ ।

फूल सर्कले बजार व्यवस्थापन गरेको उक्त कार्यक्रमको पुनः प्रसारण र विहाइन्ड द सिन डि म्यूजिक टिभिबाट पनि हेर्न सकिनेछ । निकेश खड्काको निर्देश रहने ‘नेपहपको श्रीपेच’ ओएसआर डिजिटलको सहकार्यमा सुदीप पोखरेल र रोशन श्रेष्ठले ‘नेपहपको श्रीपेच’ निर्माण गरेका हुन् ।

पहिलोपटक आयोजना गर्न लागिएको यो शोको यसै साता ग्राण्ड ओपनिङ सम्पन्न भइसकेको छ । फागुन २४ गते मंगलबारदेखि सुरु भएको कार्यक्रम पहिले दिनदेखि नै ओएसआर रियालिटी युट्युव च्यानलमा ट्रेन्डिङ्गमा छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।