सुनको मूल्य तोलामा ८०० रुपैयाँले बढ्यो, चाँदीको भाउमा पनि वृद्धि

सुनको मूल्य शुक्रबार नेपाली बजारमा बढेको छ ।

नेपाल सुनचाँदी व्यवसायी महासंघले बिहीबारको तुलनामा शुक्रबार सुनको मूल्य तोलामा ८०० रुपैयाँले बढेको जनाएको हो ।

महासंघका अनुसार शुक्रबारका लागि छापावाला सुनको मूल्य तोलामा ९९ हजार ७०० रुपैयाँ र तेजावी सुनको मूल्य ९९ हजार २०० रुपैयाँ निर्धारण गरिएको छ ।

बिहीबार छापावाला सुन प्रतितोला ९८ हजार ९०० रुपैयाँ र तेजावी सुन ९८ हजार ४०० रुपैयाँमा कारोबार थियो ।

यस्तै आज सुनको मूल्यवृद्धिसँगै चाँदीको मूल्य पनि बढेको छ । शुक्रबारका लागि चाँदीको मूल्य तोलामा १० रुपैयाँ बढेर १ हजार ३६० रुपैयाँ कायम गरिएको छ । बिहीबार चाँदी प्रतितोला १ हजार ३५० रुपैयाँमा कारोबार भएको थियो ।

आइतबार स्थीर रहेर सोमबारदेखि निरन्तर ओरालो लागेको सुनको मूल्य बिहीबार तोलामा १०० रुपैयाँ बढेर कारोबार भएको थियो । शुक्रबार भाउ थप महङ्गिएकाे हाे । 

महासंघले अन्तर्राष्ट्रिय बजारमा हुने सुन चाँदीको मूल्यको उतारचढावका आधारमा नेपालमा दैनिक सुन तथा चाँदीको कारोबार मूल्य तोक्दै आएको छ । आज अन्तर्राष्ट्रिय बजारमा सुन प्रतिऔंस १ हजार ९३८ डलर र चाँदी प्रतिऔंस २४.८२ डलरको हाराहारीमा कारोबार भइरहेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।