राष्ट्रिय वाणिज्य बैंकको साढे ५ प्रतिशत लाभांश पारित

राष्ट्रिय वाणिज्य बैंक लिमिटेडले साढे ५ प्रतिशत नगद लाभांश वितरण गर्ने प्रस्ताव साधारण सभाबाट अनुमोदन गरेको छ । लघुवित्तको पुस २९ गते सम्पन्न १८ औं वार्षिक साधारणसभाले लभांश सहित साधारण सभाका नियमित कृयाकलाप सम्पन्न गरेको हो ।

बैंक सञ्चालक समितिका अध्यक्ष दिलीप कुमार ढुङ्गानाले बैंकले आफ्ना सेवा सुविधाहरुमा समय सापेक्ष परिमार्जन गर्दै प्रविधिमा अधारित विभिन्न सेवाहरुको माध्यमबाट ग्राहकहरु समक्ष आफ्ना गुणस्तरीय सेवाहरु प्रवाह गर्नुपर्ने आवश्यकतालाई प्राथमिकतामा राखेको बताएका थिए ।

साधारण सभामा बैंकका शेयरधनीहरु क्रमशः नेपाल सरकार अर्थ मन्त्रालय, महालेखा नियन्त्रक कार्यालय, संस्कृति, पर्यटन तथा नागरिक उड्यान मन्त्रालय, भौतिक पूर्वाधार तथा यातायात मन्त्रालय, उद्योग बाणिज्य तथा आपूर्ति मन्त्रालय, उर्जा जलश्रोत तथा सिंचाई मन्त्रालयका प्रतिनिधि तथा सार्वसाधारण शेयरधनिहरुको उपस्थिति रहेको थियो ।

बैंकले ७ प्रदेश, ७७ जिल्लाका सबै सदरमुकाममा सहित २८५ वटा शाखा कार्यालय, ७० वटा एक्सटेन्सन काउन्टर, ३०० वटा एटिएम र १०२ वटा शाखा रहित बैंकिङ्गबाट सेवा प्रवाह गर्दै आएको छ ।

? समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।