जीवन बीमा कोषको आकार ६ खर्ब ३२ करोड नाघ्यो, नेपाल लाइफको मात्रै पौने २ खर्बमाथि

जीवन बीमा कम्पनीहरुको बीमा कोषको आकार ६ खर्ब ३२ अर्ब रुपैयाँ नाघेको छ । कम्पनीहरुले सार्वजनिक गरेको चालु आर्थिक वर्षको पुस मसान्तसम्मको अपरिष्कृत वित्तय विवरण अनुसार जीवन बीमा कम्पनीहरुको जीवन बीमा कोषमा ६ खर्ब ३२ अर्ब ३० करोड ५१ लाख ९८ हजार रुपैयाँ सञ्चित भएको छ ।

विसं २०८० असार मसान्तसम्म जीवन बीमा कम्पनीहरुको जीवन बीमा कोषमा ५ खर्ब ६५ अर्ब १३ करोड ४८ लाख रुपैयाँ सञ्चित थियो । चालु आवको ६ महीना अवधिमा जीवन बीमा कम्पनीहरुको बीमा कोषको आकार ११.८९ प्रतिशत अर्थात ६७ अर्ब १७ करोडले बढेको हो ।

जीवन बीमा कम्पनीहरुले सार्वजनिक गरेको चालु आर्थिक वर्षको दोस्रो त्रैमाससम्मको वित्तीय विवरण अनुसार नेपाल लाइफको बीमा कोषको आकार सबैभन्दा धेरै छ । कम्पनीले पुस मसान्तसम्ममा कोषमा १ खर्ब ८३ अर्ब ६५ करोड रुपैयाँ सञ्चित छ । जुन २०८० असार मसान्तको तुलनामा १०.९६ प्रतिशत धेरै हो ।

यसैगरी लाइफ इन्स्योरेन्स कर्पोरेसन (एलआइसी) नेपालको जीवन बीमा कोषमा १ खर्ब १३ अर्ब ८० करोड रुपैयाँ रहेको छ । गत असारमा १ खर्ब १ करोड ६३ लाख रहेकोमा ११.९७% बढेको हो । त्यस्तै नेशनल लाइफ इन्स्योरेन्सले पनि बीमा कोषको आकार ६.८०% ले वृद्धि गर्दै ७१ अर्ब ४४ करोड २५ लाख रुपैयाँ सञ्चित राखेको छ । कुल जीवन बीमा कोषमा नेपाल लाइफको हिस्सा २९.०५ प्रतिशत बराबर रहेको छ । 

समीक्षा अवधिमा हिमालन लाइफ इन्स्योरेन्सको जीवन बीमा कोष ५८ अर्ब ४८ करोड ९८ लाख रुपैयाँ पुगेको छ । २०८० असार मसान्तको तुलनामा कम्पनीको कोषको आकार १२.२१% बढेको हो । साथै चालु आर्थिक वर्षको ६ महिनामा राष्ट्रिय जीवन बीमा कम्पनीको बीमाकोषको आकार पनि १४.०८% ले बढेको छ । विसं २०८० पुस मसान्तसम्म कम्पनीले कोषको आकार बढाएर ५२ अर्ब ६३ करोड ५५ लाख रुपैयाँ सञ्चित गरेको छ ।

दोस्रो त्रैमाससम्मको सार्वजनिक वित्तीय विवरण अनुसार एशियन लाइफको बीमाकोषको आकार ४० अर्ब ९ करोड ६८ लाख रुपैयाँ पुगेको छ । २०८० असार मसान्तको तुलनामा एशियन लाइफको जीवन बीमा कोषमा ३४ अर्ब ८ करोड ९० लाख रहेकोमा १४.६०% ले बढेको हो । यसैगरी सूर्यज्योति लाइफ इन्स्योरेन्सको कोषको आकार ११.२१% ले बढेर ३० अर्ब ५१ करोड ६९ लाख रुपैयाँ सञ्चित भएको छ । गत असार मसान्तसम्म कम्पनीको कोषमा २७ अर्ब ४४ करोड ७ लाख रुपैयाँ सञ्चित थियो ।

तथ्याङ्क अनुसार २०८० पुस मसान्तसम्ममा मेट लाइफको जीवन बीमा कोषको आकार ६.११ प्रतिशतले बढेर २५ अर्ब ३२ करोड ९५ लाख रुपैयाँ पुगेको छ । २०८० असार मसान्तसम्ममा कम्पनीको जीवन बीमा कोषमा २३ अर्ब ८७ करोड १४ लाख रुपैयाँ सञ्चित थियो ।
सानिमा रिलायन्स लाइफ इन्स्योरेन्सको जीवन बीमा कोषमा १२ अर्ब ६९ करोड ६७ लाख रुपैयाँ सञ्चित छ । २०८० असार मसान्तसम्ममा कम्पनीको जीवन बीमा कोषको आकार १० अर्ब ९१ करोड ७६ लाख रुपैयाँ सञ्चित थियो । समीक्षा अवधिमा कम्पनीको जीवन बीमा कोषको आकार १६.३०% वृद्धि भएको हो ।

सिटिजन लाइफको जीवन बीमा कोषमा २०८० पुसमसान्तसम्ममा १२ अर्ब ७ करोड २० लाख जम्मा भएको छ । समीक्षा अवधिमा कम्पनीको जीवन बीमा कोषको आकार १८.३०% वृद्धि भएको हो । २०८० असार मसान्तसम्ममा कम्पनीको जीवन बीमा कोषमा १० अर्ब २० करोड ४१ लाख रुपैयाँ सञ्चित थियो ।

यसैगरी समीक्षा अवधिमा रिलायबल नेपालको जीवन बीमा कोषको आकार ३१.४७% ले बढेर ८ अर्ब ५३ करोड ७९ लाख रुपैयाँ पुगेको छ । २०८० असार मसान्तमा कम्पनीको जीवन बीमा कोषमा ६ अर्ब ४९ करोड ४१ लाख रुपैयाँ सञ्चित थियो ।
पुस मसान्तसम्ममा प्रभु महालक्ष्मीको जीवन बीमा कोषको आकार पनि १६.३३% ले बढेको छ । २०८० पुससम्ममा कम्पनीको जीवन बीमा कोषमा ८ अर्ब ५१ करोड ७४ लाख रुपैयाँ सञ्चित छ । २०८० असार मसान्तसम्ममा कम्पनीको कोषमा ७ अर्ब ३२ करोड १९ लाख रुपैयाँ सञ्चित थियो ।

आइएमई लाइफको जीवन बीमा कोषको आकार ७ अर्ब ९९ करोड ८९ लाख रुपैयाँ रहेको छ । २०८० असार मसान्तसम्ममा कम्पनीको जीवन बीमा कोषको आकार ७ अर्ब २ करोड १९ लाख रुपैयाँ सञ्चित थियो । समीक्षा अवधिमा कम्पनीको जीवन बीमा कोषको आकार १३.९१ % वृद्धि भएको हो ।

सन नेपालको जीवन बीमा कोषको आकार २०८० पुस मसान्तसम्ममा ६ अर्ब ५१ करोड ५४ लाख रुपैयाँ सञ्चित रहेको छ । २०८० असार मसान्तसम्ममा कम्पनीको जीवन बीमा कोषको आकार ५ अर्ब ६७ करोड ५० लाख रुपैयाँ सञ्चित थियो । कम्पनीको जीवन बीमा कोषको आकार १४.८१% वृद्धि भएको हो ।

स्रोतः चालु आर्थिक वर्षको दोस्रो त्रैमाससम्मको कम्पनीहरुले सार्वजनिक गरेको अपरिष्कृत वित्तीय विवरणमा आधारित । २०८० असार मसान्तको विवरण भने परिष्कृत वित्तीय विवरणका आधारमा लिइएको छ ।

बीमा कम्पनीहरुले बीमा ब्यवसाय गर्दा बीमितहरु मार्फत उठाएको बीमाशुल्क, बीमालेख धितोमा कर्जाबाट प्राप्त ब्याजदर, मुद्दती निक्षेपबाट प्राप्त ब्याज, लगानी कर्जा तथा अन्यबाट आय र पुनर्बीमा कमिशन आयबाट मुनाफा सञ्चित गरी सोमध्येबाट बीमा कोषमा केही रकम सञ्चित गरेका हुन्छन् ।

जीवन बीमा कोषले भविष्यमा कम्पनीमा हुनसक्ने जोखिम बहनका लागि सुरक्षा प्रदान गर्दछ । सोही कारण जीवन बीमा कोष महत्वपूर्ण हुन्छ । कुनै कम्पनीको बीमा कोष जति धेरै मजबुत हुन्छ त्यो कम्पनी विभिन्न कालखण्डमा आइपर्ने जोखिम बहनका लागि त्यति नै बलियो हुने गर्दछ ।
कम्पनीहरुले अनिवार्य रुपमा जीवन बीमा कोषमा रकम छुट्याएर राखेको हुन्छ ।

कसको वृद्धि कति ?

सञ्चालनमा रहेका १४ जीवन बीमा कम्पनीहरुमध्ये सबैभन्दा रिलायबल नेपाल लाइफ इन्स्योरेन्सले बीमाकोषको आकार सबैभन्दा धेरै वृद्धि गर्दा मेट लाइफको सबैभन्दा थोरै बढेको छ । जुन यस प्रकार रहेका छन् ।

• रिलायबल नेपाल लाइफः ३१.४७%
• सिटिजन लाइफः १८.३० %
• प्रभु महालक्ष्मी लाइफः १६.३३%
• सानिमा रिलायन्स लाइफः १६.३०%
• सन नेपाल लाइफः १४.८१%
• एशियन लाइफः १४.६०%
• राष्ट्रिय जीवन बीमा कम्पनीः १४.०८%
• आइएमई लाइफः १३.९१%
• हिमालयन लाइफः १२.२१%
• एलआइसी नेपालः ११.९७%
• सूर्यज्योति लाइफः ११.२१%
• नेपाल लाइफः १०.९६%
• नेशनल लाइफः ८.६०%
• मेट लाइफः ६.११ %

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।