सिटिजन्स लाइफले ७५ करोडको आईपीओ पारित गर्न डाक्यो साधारण सभा

सिटिजन्स लाइफ इन्स्योरेन्सले आइपीओ जारी गर्ने मुख्य प्रस्ताव सहित दोस्रो वार्षिक साधारण सभा गर्ने भएको छ। कम्पनीले असोज २९ गते बुधबार, होटेल हिमालय कुपण्डोलमा साधारण सभा गर्ने भएको हो ।

कम्पनीले साधारण सभाबाट ७५ करोड रुपैयाँ बराबरको ७५ लाख कित्ता आइपिओ जारी गर्ने प्रस्ताव पारित गराउने छ ।

हाल सिटिजन्सको जारी पुँजी २ अर्ब ५० करोड रुपैयाँ रहेको छ । यस्तै, चुक्ता पुँजी १ अर्ब ७५ करोड रुपैयाँ छ। आइपिओ पछि कम्पनीको चुक्ता पूँजी २ अर्ब ५० करोड रुपैयाँ पुग्नेछ ।

साथै सञ्चालक समितिको रिक्त एक पदको निर्वाचन गर्ने कार्यक्रम समेत रहेको छ। त्यस्तै बार्षिक प्रतिवेदन तथा वित्तीय विवरण पारित गर्ने, लेखापरीक्षक तोक्ने लगायतका प्रस्ताव पनि पेश हुनेछन् ।