सानिमा बैंकको दीर्घायु बचत तथा तलब खातामा सुविधै सुविधा

सानिमा बैंकले बचत कर्ताहरुका लागि स्वास्थ्य परिक्षण तथा बीमा सुरक्षण सुविधा सहितको सानिमा दीर्घायु बचत खाता तथा सानिमा दीर्घायु तलब खाता संचालनमा ल्याएको छ ।

यो योजना अन्तर्गत बैंकले तोकेका अस्पतालहरुवाट ग्राहकले ५ हजारको बार्षिक स्वास्थ्य परिक्षण सुविधा लिन सक्नेछन् । साथै, नेपाल र भारतमा हुने उपचारमा एक लाख सम्मको औषधि उपचार बीमा सुविधा लिन सकिने बैंकले जनाएको छ ।

त्यसैगरी, यदी ग्राहकको दुर्घटना भई मृत्यु वा कुनै अंग स्थायी रुपमा असक्षम भएमा एकमुष्ठ लाख बीमा रकम दावी गर्न सकिने बैंकको भनाई छ । यस बाहेक ग्राहकलाई ६ घातक रोगहरुको रक्षावरण सहितको ३ लाख रुपैया बीमा तथा २५ हजारको मृत्यु लाभ हुने बीमा बैंकले गरी दिने जनाएको छ ।

बैंकले आफ्ना ग्राहकहरुका लागि उपयुक्त हुने बिभिन्न योजनाहरु समयानुकुल रुपमा प्रदान गर्दै आइरहेको छ । सानिमा बैंकको हाल ७९ वटा शाखा, १ एक्सटेन्सन काउन्टर तथा ७५ वटा ए.टि.एम रहेको छ ।